Israel yange ve tsa ken Igipiti, anyom ngee kpishi, kpa va kuma Ter tsô A na Mose naregh, wegh nagh sha Mose yange yem, za due a iserael ken igipiti yem Kaanan, tar u ityendezwa, kape se kpa a kuma Aôndo Ter una na ian, shi se due keregh la.

Kanaan, u ahegen ka Yerusalem tar u tsôron, ma Igipiti ka tar u ican ne, se mbadondon se ver asema se suur di sha Tor Utsôron, Ter Aôndo A due a vese ken tar ne se za nyôr, sha tar Utsôron la.

Er tar ne u lu, tar u lu tar ican yô Yesu Oryiman je kpa nenge atsan ne ban ga, imar un, i lu sha icanoo, Herode lu tôv Ter Yesu Ter aku, akpe ku u ican je kpa yina shima ga se zan zan, A yem se uuma, pe se kpa se yina shima ga, se za nyôr tar Utsôrôn la.

Ken tar ne, atsan va se inya ahegen, kunda se iyol gboung, ican angev mbu shuga, kua ican i angev mbu kpen alegh va nyôr, kwagh u Boko Haram tayer, hegen ka ican, i ityav mbi nôngon avese ne, mba-hungur-inya mban va nyôr, mba wuan se, ken Nigeria hegen je i gande, man ken tar u Benue je yô ka use ôr ga, ior mbatseghan je kpa ve tswer ga mbawuan, Tor U tsôron Ngu nengen, er tar ulu kpianger avese yô, kpa iyange ia kuma Ter, tsô shi se due ken mlu ne.

Yô se yina nen, asema ga angbianev, se umbur, ityendezwa i Aôndo tôndo a Mbaisrael u yemen ken tar u Kanaan, uityendezwa la atsan yange ve uyemen ga, pe se kpa atsan a lu eren se kpa Tor, penda se Kanaan Utsôron Yerusalem, ngu sha keghen se, kwagh u bunden se use za nyôr, keregh ngu je ga, atsan alu hilen se gbenda kpa Ter wase ayange, ican aza nyôr sha ga.

M ngu yilan angbianev mough nen cica se dondo nen Ter Yesu ken ijime, Un ka vande, ka begha, alu se suur ken Ana, kwagh una hemba se ga.

Zungwe se mhôônom, Yehova sue se, Na se Jijingi, Wou A va hemen se tor u uma aluun avese, A tesen se gbenda er se kar, se due igipiti se penda shigh, u zan Kaanan sha tar Utsôron, Tor uuma ape se va za lu, ican acihi anyôr ga yô.