Tar ne sarem ga tar ne duem ishima ve Aôndo Tor m kenger er tar ne u gbuusu hegen ne yô Ter mo yô u sarem ga

Gba hingir ayôôso ken tar ne ahegen ngee gande ior hingir a ikyav ityo gedee mba zenden fan ape shirin ga ka we yem han pe u ze cii ayôôso di nga zan we jime hen ape shirin ikyav yasev za yeren ngu shawon ga

Tor ityav mbi mbi ve se inya ahegen ne yô Aba Tor u uma ityav mbin taver se kwagh u Boko Haram va nyôr tar wase hegen ne yô hingir taveraa. Hanma or ityav mbi wuan, mbi mbi tswer or ga

Kwagh u Yesu Ter, lu ôron a mbahenen Nav la yô ka kwagh u nyiman ga se nenge je ve, Yesu Ter tsenga se ôron er shie u mkurtar Un a kuma yô tar a gbuusu, mtenger u tar ua tenger kwagh u igwa u itya Ter ôr er shie u mkurtar Un a kuma ityav mbi a nôngo a tser tar ne cica ior a kera soo ayol ave ga ciki u mba wan ayol ave ikyo tseegh vea hemba kwagh ne gba eren ve

Bibilo pase se wang se nenge akav nga tesen ahegen iangev mbi ngee kpishi bouange ngura ngu a wa kyav nav a va nyôr ka u ungwan cigh ga, wea henen wer mbu va nyôr mbu genev shi penda ityough van gande, hen ayange ne yô se nenge Ebola penda ityough ve ka wea gba, angev mbu shon yô or u sôron we kpa ka bo wea kpe je kpa, mbera mba ve ker ikyom you sha u iin mba timin cii Aba Teroo imba ne se er nan ku! Aôndo imba er tar u lu zan ahegen ne yô u due se ishima

Kpa se hen shin asema yô se umbur imo i Yesu ôr, er shin tar ne yô ican a er se mbadondon, kpa se mba se taver asema sha mkur yô ican a gema a hingir iember Un a ngôôr nan kpaa Ngu hiden, keng ka u bunden ga

Mhii u ican tseegh, kpa due se ishima a va gema a lu ican ivesen yô shi se er nyi, ican i tsôron ngi van, igyamusu penda shigh, ngi van kpa se mba se ver asema se eren imo i Ter Aôndo, yô ican i tsôron la se lu ember sha ya u tsôron sha

Sar se u man se dugh ken botar ne sha Aba Tor Utsôron se se yem sha tar u sha se za mem sha la gbem, sha tar u tsôron sha ican a lu je ga, mkine u angev mbu ken gar la mayange ga, ka iember tseegh mba Mikael ve lu ember sha ye

Jijingi Orsurunshima suwe se suwe se taveraa er tar ne u lu gbuusu cii, kpa U wase se yô se taver asema her gbem sha shie u mkur yô Ter U yima se, taver se asema se lu dôung se lu per se kegh mhir u Yesu