I lu We ugba tar ye, Ter wase U er or ker, shi Ter U kaa wer imar iva iv tar, Tiv man kua, u ipaven mba ken tar ne ci ca cii, se lu tsombor môm, U ngu Ter U ior cii

We Ter U hemban sha, Ter wase se yô, se mba nengen ser, or va tsombor u gen kposo ga, se lu angbianev ci ca, man izua hegen sha Tiv oo Ter wase, se hingir ken Nijeria inja er ka inyam toho yô, mba zendan se wuan se nande ayou.

Mba nanden se, ayou inja er ve za toho yô, kwagh u kpiligh iyol yô ve tswer ayou a eren mba msen ga, ka ve lu vihin, ayou a civir Ter ker, ve soo u yangen kwagh u Yesu, shi gamen se kpaa se lu di mba hungur inya.

Ve ve soo ungwan iti i Yesu ga cii, kwagh la gande ve, kpa ve soo sha u geman se ior mbadondon se hingir di mba hungur inya sha utahaoo wea soo, Orga yô ve a wua u Ter wase, kpa se fa Or-yiman u gen ngu ga saa Tor Ugbem, Yesu ngu tswen, se a nyôr ker atsan kpa U ngu We u hemban agee, U ngu nengen iyol yough

Ungu nengen iyol You, Ter wase U ngu uma Jijingi We U yaven ga, kwagh tser se-oo, ior mbagen yô i ngohol ve ajiir a uya kua ishule cii, ve yevese u duen gbirin ve tôô kwagh ga, ivihi ve iyiagh kpa shi bee ve gba hingir, zeroo gengeee ku Tor Ugbem, man U ngu her Ter wase er U lu, yô se fa je ser ma kwagh akar agbe eren ga, saa We Ter Una ian

Se mba henen ken asema ser shin Tiv vihi Aôndo ishima gbem yum, sha asorabo, ve Ter agem, ijime avese, Ane sha sha ikyev i mbaihyomov, ve lu wuan se ye

Israel, iyange vea vihi Aôndo ishima gbem yô, Ter A vihi ishima ave, shi A na ve sha ikyev i mbaihyomov, shighen la i tim ve kpishi, kpa hen shighen u ve a va zamber yô Ter A de ve ibo ve

Se kpa shin alu, sha asorabo ase man, Ter Aôndo wase alu tsahan se kpa, ityô yam, yô se de nen hanma ifer cii, se va gba Oryiman wase ikyum sha jighjigh u nan, se vaa nen, afanyô sha mimi yô Ter Un ka U mhôônom, Una de se ior, mbadondon nav er se gba timin je ga.