Ungu Tor, ka Tor Ugbem je, u ngu zege Tor, u tema Tor, wou sha igbetar je, zan zan hegen ungu Tor, shighe u mkurtar kpa Ter ulu Tor gbem.

Kawe je uveren, Utor ken tar ne ye, Shi se nenge, utor mba tar ne, Cii mba hungwan, mo kpa tser, shin tar ne ga ka mbakpenev, Kpa Tor u uma ngu heregh, Atire hemba, vande ngu heregh taveraa.

Ungu hungwan sha, won ga, we Ter Aôndo er yan utire je, ka an ahungwa we? Ungu atahav, hii sha zan zan shin tar, tor ngu anumbe sha we yô u hungwa nan pepe, lyange kpaa ka ikende ga.

Lu Nebukadisar, tema ken tar ne, lu numben sha Tor, lu yanigen u civir we Ter u uma, er ior Ve de civir we Tor, ka wen Nebukadisar ulu di inyam tsố shi tor ukpen, Ve icivir Ter u nande Nebu hunde iyange hungwa iam kar ga, tsô hingir di inyam, lu tsan ken avure zendénken taå-ikongo.

Shi u ú hungwa tor, Bereshesar je yange lu akondo sba ga, U hungwa tor Herode man, Ahabave ve kera kure utor vev, Sha eriyange ve wa ishima ga.

Kape Aôndo, Ter ahembe je ne, tar ne va se gure nen tor, Aôndo Tor u uma er yan tema sha igbetar je, zan zan hegen Aôndo ngu duran adura shagba.

Mba kohor akumakum, sha a ciu kuhan we zege Tor, sha ityar ityar, sha ityôughki taregh, shin ityôtar man. imbusutar iyan, kua ken imese, Man se ior Najeria, se tiv kpa pe se lu kohor akumakum, lu icivir i ma tor ugen ga, Ter Aôndo ka we, tseegh u kom u se wuese we ye.

Ter Aôndo hemba gburugburu ngu hungwan, Tor ga zan zan, Unumbe sha Tor gbem, u hungwa kogh, ne kpa denen beer va se wuese iti na. ()

Ter wase, hemba gburugburu, ngu hungwan, Tor ga zan zan, or a er, beer tsó nana hungwan pepe pepe oo! Ter k Tor u inumbe ga.