Er sule venda u umen yô, ishima i or, sule vihi kpishi, pine kwagh ken ishima na, ka nyi i shim i ma m er, man m er ga, ve sule ne, u vende u umen, yô me sough, igyar ne me kende ior ve ndyar u saa ishe.

Injakwagh ne, Ter Aôndo lu ôron, i jim sha Mbaiserael, Ter na ve tar u Kaanan, A wa igyar gban gbang sha er mbahyomov, vea cihi ga yô, kpa ve kende imo, i ter Aôndo, ve lu eren idya, u civir mbaaôndo mbagen tsô kera doo, Tor u uma ga, Ter sough igyar na mbahyomov, ian ve hemba ve ityav.

Anmgbianev, kegh se ato ungwa, ka se jim je Ter Aôndo Tor A lu ôron ye, Ter Aôndo dugh se ken kpan, sha A hemen, gbenda se va nyôr, ken Yesu je ve, kwaghyan, kpa se mba yan ave il, A wa igyar ken Yesu, man ka nyi i shi, se kende Tor u gbem, Ter A ne, ian bo mbaatsanev ve tser se ayange ne.

Ican ne i hii, tseegh tsô kpa yina ga, ior mba vaan, mba kinen ningir akômagbinda, a kpera ken, hemen yô shi ma or a shi je he? Ican i sa kwan inya i due, inyaregh kar ayem ki yemen, ior ye cir zendan, mba tsuan asôm a Anmgbianev, ugbuuka kpa mba keren mbagenev, wuan haan awambe inya er inyamtoho Aôndo Tor, ahii! Yima se Tor, tar wase vihi gande ôron.

Ter Aôndo gema se ashe nenge er, tar u vihi ahegen yô, jighjigh u nan We ban asema, kpa mbadondon We mba shimi, kua mba ve fe U ga la kpa shimi, se ior mba, dondon Ou se kange nyagba se ver ashe sha, kaa imo tseegh tsô kpa se mem tar wase a tile jighjigh.

Wan ka a hemba ter ato a tsaha nan, Tere ka We U tsahan, man U deen ibo la kpa ka We, gema mba cighir asema mbera cii, ve vaan a iember, yan U gema Saulu undu ieren i bo dondo iti i You, gema se asema ahegen, se civir, Aôndo u gbem.

Yô anmgbianev, gema ishima Ter Aôndo A yima se ga, se va tim, zegecan i masejime la kehe, Ter A lu pasen, se na jighjigh, ga yô, Una sough igyar se saa eleghee.