Ka an or jim, nan lu ken vese u, wan u, nan a sôn beredi, nan a gema iwen a na wan ase? man naua sôn ishu a gema ana iyô er i nyuma, wan shawon, ayuu! Mbaaferev je kpa fa er u nan wan kwagh u, doon ilu a inja yô, hide Ter wase Usha Una na se akaa a doon, ga ye?

Ka wea son, Ter kwagh, sha mimi sha gba shima yô, Tor Utsôron Ngu A ungwa sha, a lu shin ijen, shin ityeku je kpa A za dugh, A kende sha tar, alu angev shin alu ameen a kaseu, kpa Tor Utsôron Ngu A dugh ican-or shin vuulavu A kende nan, zua a iember

Msen ne ngu a agee, m nenge ka kwagh u mimi je m ôron ye, ka msen ga ishu la yan ma i sua Yona je kpa ityô yam? Hana zua wan i lu sha msen, Paulu man Shila ve gule msen ken gaadi, Aôndo tese agee Gaadi tenger ihinda gba ivegher, ikyangenev mbila kposo ve due mba kuran ye lu gbidyen ikarkyase

Ka pe Yesu, Oryiman je kpa ngise, lu beeh ior angev ken tar ne, lu eren uivande kpa lu di sha msen, zan zan, va ken Betani, kpa iyange nder Lasaru, shin ku Akar A za nyôr, ken Gesemane kpa A meen ga yange A hii, sha msen, kule di kpaa ken msen, lu sha teran je kpa yila, Eli-Eli-Lama-sabatani, Aôndo Wam kanyi man U undumu? A na uma Na Ter wase kule tom Na

Ava tese tar u eren msen er alu ne a eren msen, yô kaa nen ner; Ter wase Usha, itsegha iti You, tartor Wou u va, i er sha imo You, shin tar vough er i eren sha yô, Na se kwaghyan wase nyian u ayange ayange, de se anzô di er se kpaa se deen mbagenev yô, de zaan avese hen ape imeen i lu ga, kpa yima se sha ifyerkwagh, gadia tartor ka u Wou, kua agee, man icivir gbem, mayange abee sha won ga

Ior mbela mba keren, sha mimi ve zua a mi, mba a iember, mba sônon sha gbashima ngohol, or uange u ken Kapenahum u, kpen alegh kpa yan ngohol, tôô gambe na yemen a iember

Se kende nen msen ga, msen ka ibughun, u bughun shindan i se nyôr hen Ter u Uma, se tile dông Ter A na se agee, se hemba hanma inja ican yô, hen pe gundu kwagh a lu se ne, ka her je ngun, i nenge a vese ye