Er tartor u sha, jim jim ngu inja er, kper u ikperan a kpera un, shin zegemnger yô, kper u orgen nan za haa u kôron ishu yô.

Ishu lu nyôron lugh lugh, kper lu ivin tso a va iv gbing, kpera ishu nyôr, kpa i lu ishu tseegh, i lu nyôron, ken kper ga, hanma injakwagh i lu shin mnger, môm tswer ker u gban ga.

Tsô kper shon za ivin gbing, yô maa ve gba urugh duen, a min ve gba kperan, gughukuku ve due a min, hanma kwagh u ken kper la cii, ve due a na sha tar.

Ve gba sangen ishu, i doo doo haan ken uikya, kpa ibo yô ve gema i ve haa, i kera demememe, er i lu a inja ga yô.

I lu sha avese, jim jim je Yesu ôr injakwagh ne ye, ver nen ato me pase ne mbadoon ishima.

Zegemnger la jim jim, yô ka tar ne, me pase ne ior, man ishu yô shi ka uumace, kper u kperan, ka msamber u ivangel hegen, se mba samber a ivangel.

Hen ayange ne, ikpelaior nyôr ken kper u Ter Yesu iv gbing, Mbabov kpa nungwa sha ior, mba ve lu doo doo (Iyô!) Kpa shi va nyôr, bo mba igbindev, ve nungwa kua akpua.

Kpa Yesu, Oryiman ngu kperan kper Na, yemen a min, sha tar u duen, mba ve gbe ci ca cii yô Tor, ngu kperan, yemen a min gughukuku, u za duen sha taroo! Ka iyange i, Oryiman a va kura se sha u kôndon.

Ka iyange la, Tor wase Yesu A mase sangen ior, mbamimi Una za haa ken ukya ye, ka ior mba kuran atindi a Aôndo la ve a nyôr, tartor u tsôron ye.

Ka iyange la, Tor wase Yesu A mase sangen ior, mba mimi Una za haa, ve ken uikya ye, mba eren sha ityav ga la yô, ka u nungwa nungwa una haa, kan gehenaoo! Ape usu u yeghen gbem, or a hia a pir sha won ga.