Herubi, or u hemen Iserael, er va kera lu ga yô Iserael, shi ve gba eren asorabo, hungur Aôndo ve, Ter Aôndo gema ve, A wa sha ikyev i Mbakaanan, Yabin, er ve atsan sha er ve soo yô.

Ican va nenger, ve yô shi ve vaa mliam hen Aôndo u yilan, Yehova Aôndo u uma ne, zamber a Na sha gbashima, Aôndo rumun, va yima ve, ve hemba ityav, Balaki za kaa Shisera, kuru-utya u kaanan la pende imande i, lu wegh-wase ve ngeghlee.

Mba zeren ôron, kwagh u mbayiase a vese ken Bibilo gbem, ka sha u se fa, awashima u Ter Aôndo er, A kom iwuese yô, yô se civir Un use use, iwasen yase ka hen Ter Aôndo i dugh, i senen hen vese u uma ye.

Or u nan a vaa, sha asorabo a nan man, nan a yila Ter Yesu, Tor u uma yô, sha zamebr u mimi ne Aôndo kpa Un a ker ian, ken a Na se u uma, mba ve suur sha Na yô ve war iyugh.

Ior mbagem yem u keren iwasen ve yem ve nyôr ijôr, iwasen ve ka sha mlan tsô, ijôr va wase ne ga, ka ijôr iyol i i je i a wua ne ye.

Kwagh wen ne kpa zua sha u Shisera kuru-utya, u Mbakaanan lu za keren, iwasen na, hen kwase, u Ebel, gema lu Yael iyol na je va wua un ye.

I lu hanma ijôr nôô ura i dura or uumace, lôô iyiav ve mba-atungwa vaa, Utuu-tuu ve gber amo, ityô yam, lanem ka ma tema mlian, haam ashe u zungwen ior ne-oo! fa ga ne wa ime je er a hemba tugh yô.

Mba er kwagh u Yesu kpa ne mba ongo je ga ner ne nyôr ijôr i wasen ne ka di imande tsô, ne lu keren sha ityough yenegh je ye, ne yem u keren iwasen a pe yange a hela ne, "imande sha ihagh-tyou" i a nyôr pilighii a saa ngeghlee.

Mba er kwagh u Yesu kpa ne mba ongo je ga ner ne nyôr ijôr i wasen ne ka di imande tsô, ne lu keren sha ityough yenegh je ye, ne yem u keren iwasen a pe yange a hela ne "imande sha ihagh-tyou" i a nyôr pilighii ne war sha wom ga.