Ka ityav mbi tseghan or, ga ka pe i lu man Aôndo na ian er ve wua cica cii, shi ve de yaan ishar ga.

Ngise Saulu venda imo, i Ter Aôndo, Aôndo kaa a Saulu er a za wua ior, i Amaleki la cica, Saulu za kpa za wua ve cii ga, lu kwaghbo, a kôr tu u Amaleki la uma, a ya ishar, sha ilev mbi kehen.

Samuel, lu kegh ato a ungwa mlyam ken ya u tor, kpa lu ilev vaa ye, kwagh za Samuel iyol, a mough a za pine Saulu, u er nyi? Saulu kaa er ka imo i Ter Aôndo tseegh, m er, kwagh ugen ngu kposo shawon ga.

Ilev mbi tu vaan la ka mo m ker ga, ka mba ve ze ityav amo imôngo la, aciu va nan Ter Aôndo wou la, nagh a min kera lu Aôndo na ga, kaape tor Saulu kende kaa je la.

Vihi Samuel, er Saulu a vende u ungwan, Ter Aôndo yô, injar i tom na la A kimbi je, A wua tor Agagu, man, A dugh Saulu tor, ishima i ta Saulu kwe, a hingir an-orhyundu, a hingir a kunya, Davidi tema tor.

Hegen ne kpa, ior kpishi mbagenev venda mba timin, Mbaamaleki la je ga, ankyundanev kpa shi ve venda mba wuan ga, ve kôr tor u Amaleki la uma, Agagu, tema ngu kenger jang, ken atô u asema ve!

Ve sav asav, atindi a doon ve a genegh, di yô shi u venda a ve tôô, ishar ken utya kpishi je, man shi mbagenev ve tôô, msôron ma man yeoo! Kunya u kôr zan zan.

Mbagenev kpa tôô, ishar i aburabur je mba gbe ndôvor, zômon iyol tesen ikyav i gyam usu.

Mbagenev shi tôô, ishar i ankwase môm yô me rumun u lun amin ga, me rumun, yô ka gber u kuhwan her, tsô m kuhwan ye.

Mbagenev kpa tôô ishar i gen ka a lu yange i lahadi yô, hingir i've ayange a teratar je kpa yina ve cica.

Ve kôr Agegu ngu ken uya vev kpaa Tor, Samuel u vesen la Ngu van, Ngu va wuan tor, Agagu la iyol Na, man shi, A dugh ve tor, u uma sha Una gema ukpenegh la A fur ve ave.

Aôndo ngu vendan, ishar iyan a ior na ken utya gbem je, or u nan ye ishar A rumun er nan nana zua a uma u tsôron ga.

Aôndo Ngu vendan ishar a vese i ken utya, se tôô kwagh gayô, Ter A rumun se za nyôr sha ya u he u tsôron.