Kape i lu la, iyange Balaki yila Balam, sha a ci u ior Mbaiserael, per Yordan kpa ve haa gbirgbir hen Moabi, ve soo u nôngon a ve er ve mough, kpa kwagh lu, Mbaiserael lu hemba Amon ityav, Balaki nenge sha ashe na.

Moabi cia je ve hingir yevyev, ve yila Balam sha a ci u, a za wa Iserael ifan, ve a hemba un sha utya kpa, Ter Aôndo u uma venda a Balam, er ikyur-ior la, ka Icighan-kyur-ior.

Balam ungwa kpa ve zer gbem tsô Ter rumun, un u za veren ve kpa i lu ishima Na keng ga, Ter shi tindi Ortyom za yisa ijaki na, gbenda sha a ci u, a hide kpa Balam iyang kera kav, ga tsô a gbidye ijaki u, i za, tsô Ter na ijaki ian i kende i ôr kwagh.

Er mo m ngu, ijaki you shi u hendan mo gbem man, kanyi shi u gema akpa u gbidyem? M vande eren imbya ne shin u gbidyen mo?

Shi kwagh la ka ikyav i tesen se zegekwagh, u ijaki i lam ka kwagh u cieryol je gande, Aôndo Ter, wase Ngu vendan, kwagh a vese sha igbinda kposo kposo hanma shighen, u se kav kengkeng ve ijaki lu lam ye.

Hegen ne, kpa ijaki la ngi lamen a ior gbem, u zan hen gbenda u ime la kpurkpur je er se hide, ijaki i a hegen ka Bibilo man imo i ken asema ase.

A lu u mough u zan kwagh, u na lu sha ishima i Tor uma gayô, ijaki ne i a gba vendan, fa wer ijaki nenge kwagh, u timin we ken hemen keng-keng.

Imo i ken asema, ase ka i tile a vese hen kôm, gbenda je i tôô shighe gôgônan, shi avur a Bibilo nga vendan, ortyom tile a sanker ken hemen, kpa se kera nenge ga se lu gbidyen, ijaki ne kpurkpur ser, i za pe se soo yô.

Se mba nengen kwagh u a lu se ken hemen ga, kpa Aôndo Ter, wase Ngu nengen, doo u ungwan, imo i Aôndo, Jijingi u A lu a vese la ka imo i Aôndo iyol Na.

A lu se venda i yô se venda imo i Aôndo, pe ijaki i til a vese la, igyamusu kegh, ngi ken hemenoo! Se hemba ato i a va hia se keng.