Ter Yesu hembe ityav gbem, kper man due kpa Ngu hemban, lu bunde awashima u Satan, kar za bugh peradiso se mba nyôron, hanma shighe se mba nyôron, ayem ayam lughlugh.
Ka han di ormee a fe agee ve iyange za nzughul a Ifa ken peradiso? Kwagh hemba ve undu ya ve lu zenden, tsan toho, tsô Imanuel va yô, gema lu yeren a yer, lu cian wan tsa ityô hanma shighe gbem.
Kwagh u ngise Satan, er a Ifa ken Peradiso man tsombor na, ne iyongo ne ka i a kure ga, se mba nôngon, ikyov ikyov gbem, sha anyom anyom, hanma shighe, a lu Ter Aôndo va av sev ga; se a diabolo, orihyom yô, iyongo a bee sha won ga.
Ter Yesu, kpa fa iyongo ne vihi je gande, ngise vande nôngon i, Tor tar kwende se uumace ishima yina se er, Ngu soghon tar sha yô, kpa lu ishima vihin i, Satan er a Ifa ken peradiso, man se vor u Adam se a nôngon u saan ishe, la ishima yua Imanuel kimi er ka mngbakpa je lu pe numben ga, pe Satan gba la u za nyian u zua a avindigh.
I kure ve, er Tor nôngo ityav mbin kure yô, A mase kaan, er bee ve! Shighe ne yô, iyange kera lu fan ape tilen ga, uwer kera zua pe lun ga nahan u mase pirin coroghoo, tar gba tenger, zanzan avande kpa pav iwar mase bughun tsô, ikyondo i ken temple la pav sha sen, i za mande shin inya, tar mase duran a dura, hemba Satan gba, ihyundu yem Aôndo iyange la saa tsum tsum.
Fese nahan Babilon tartor u diabolo Satan yôhôr, ujijingi mbabov num ayem gudugudu, ian ne yô diabolo Satan yer ica gba.
Wanger iyol, waang, kwagh gande mbahyomov Nav hembe yem orgen gba, a pav gbor, myam haa won kpa or, pine ga, ve lu yemen zan zan.
Nenge Satan a til, a wegh uase zuluu, lu nyuma, tsombo er zwa a ande je kpa ngu fan shawon ga.
Ter Yesu hongo sha teran, Tor kar awambe za bugh peradiso gbihi ivengher, tsô mba iyange ve vande kpen, mbera mough sha u nyôron, Adam, hemen Ifa mase ijime, van un a ônov gudugudu, tsô mbatyomov ger sha hingir yaghyagh er Yesu hemba ve, iember mngbough sha iyange la Tor, wase Aôndo lu sughun, Ter Yesu er wan Wam U kuma iwuese, hanma-kwagh u a lu uma cii yô, a ungwan imo You.