Ngise se lu mbakpenev, ka lu Yesu gayô, iyange se tim, iyange kwagh hemba ngô wase Ifa sha sule u Eden je, kwagh lu hemba Adam undu Peradiso ve yem, kpa ve lu ken ifan, Ter Aôndo lu wa tar mkôôm sha zayol u or, hen shighen la yô, zegekyumior ne i lu a mar, je ga kpa se lu shin ku.

Yesu va dugh se ken ican i kpan, Tor kpe sha kon tar tenger shile ngigh ngigh, Ter pir iyange kôugh, shighe la inyon kpa huan amo zwa ior, lam ga tar tile jighjigh, Tor kar a awambe za bugh peradiso, uuma ka ve shi nyôron ye, ma kwagh u zan se iyol ka han a lu jimi?

Ku kua ican cii Yesu va hemba, Hade kpa ngu a agee sha Oryiman ga, ishindan i tartor kua ibyughun i Hade, Imanuel ngohol.

Kwen ngu genger sughun we Ter u uma, kwagh u gbande a kaan imo gbem, a gbe wer gayô Ter Yesu hemba ican, Tor yam se sha hanma-kyur, kua shi hanma tsombor, A er se se hingir tartor u Ter Aôndo kwagh ne kuma ishughun ye se civir We ye, Ter u gban tar.

Yô kuma shaven amar, sha ciu Tor A yam se sha awambe a Na ken hanmakyur, se mba se lu awundu kpa Aôndo Ngu surun, se asema mba tar kange ve la kpa Ter Yesu shi va sagh, pase tuhwa kwagh bee se cii se due gaadi, se mba shaven amar daalaa, shi kanyi je i lu sha wono?

Tsô m mase ndyaren, tar wam, tar wam, kanyi i a ereme? Ka han je kwagh a tserem ve me lu zungwen, bocan u ma a tser se kpa Ter wase va yima se ve m caghen amar ye, de m shav amar ishav i, ngise oriwan u iyange mba Peteru ve yima un ve lu tsuen ember la, Uya gande ve, Wanyôngo U gande ve, Ter wase kuma iwuese gbem ve se wuese ye.

Ter Yesu hemen se ka se mase kenger tar beelee, inja na yô makwagh u una na se ican, ve se zer zungwen se de civir, Ter Aôndo wase jim shi ka han a lu? A gba soughon tar kpa se fa keng, man se a kav iyange la ga kpa mô wase nan a lu ityough avande mayange ga, se lu ember yagh yagh.

Se mba civir, We shin tar mbatyomov mba civir We Sha, ageba ageba Ter Aôndo Ter kuma sughun, Tor hemba ityav Ter Aôndo shi na Jijingi sen, yô kwagh hemba mbahyomov, or u nan a yange se iember môm ngu sha won ga.