Se vande fan kwagh u mnger tim ior, iyange la ior saa cii Noa shi lu vor ye.
Kwagh u mnger tim ior bee kar ve, i ngira bee ve, ka ijir i tsôron se mba masen keghen veren ashe ye.
Kwagh kure ga, ngi van se va nenge er kwagh a er, sha iyange la Yesu Ngu van A tese iyange ga kpa ka ubunden ga Ngu van keng keng.
Ngu hiden mba ve fe Un vea ember, mba ve fe ga vea lu yuen a yue vaan yan anyi, iyange la yô, se ember, se zungwe ga; iyange la ka i yase or a naha se tar ga.
Iyange la Oryiman Yesu A hide A kohol ior sha ikyaan i ikpamkor, se kôndo Sha, se ior mba dondon Un se lu yagh yagh.
Ter A pine se jim er, kanyi kwagh iyange M doo ne ne ember yô, tile Me pine shi ne nam mrumun.
We yô, kanyi?
Mo ka sha uma wam ve u kpe
We yô, kanyi?
Mo yô, ka sha er iyange U sen U va tôô ibo yam, U paam ve U za mande sha kon, m doo U ishima.
We yô, kanyi?
Ka ashe am U bugh la.
We yô, kanyi?
Mo yô, ka sha er imborawambe i kôrom ayange a ngee je, kpa ikyondo You iyange i beem angev.
Tsô Ter A yila mba rumun Un er, ger nen iember se ember imôngo, iyange ne ka i ember.
Aôndo A yila se cica, iyange la se lu sha nongo Na jim, se wuese Aôndo Ter u sha iember.