Se mba eren Ter tom, kpa iyange igen se za mem iyol Sha.
Se mba eren Ter wase Aôndo Ter tom, kpa iyange igenegh yô, se za se za mem iyol Sha.
Yesu oryiman, Yesu Wan Aôndo, sôr mmem Na ver, mba ve civir Un yô, ve za mem sha kpa, or a venda yô, nana nyôr ker shawon ga.
Kwagh ne vande u eren, ngise Aôndo due a ior Na ke Igipiti, er ve za mem iyol, ve hungur atsan a ken Igipiti kpa mbagen venda ishima vihi Aôndo yehova, bum sha ishima nyion, er mayange or a za nyôr ken mmem Na ga! Ve gba kpen ken toho.
Se kpa shi sea venda imo Na yô, se kpa se nyôr ken mmem ga, se saa kenikyôndo, se tsume gbenda se nyôr ker shawon ga.
Jijingi ka We U hemen se man u tese se gbenda u zan, ape se za mem iyol sha Ter u tsôron ye.
Va hemen se gbenda, yem a vese er se za mem iyol, sha ya u Tor, se har abirim se kuhwan a iember ye.