Se nengen ior ken gaadi sha ci Na, man a lu or a lu dedoo ga kpa se nenge nan, se eren dedoo a iorvanya, imura ia kôr or yô, Se na nan mngerem a iember je.

Sha iyange i mkurtar la, Me kaa a ior mer ya M lu uange ne va nengem ga, M lu idyeregh ne zerem ikyondo ga, M nyôr ken gaadi je kpa ne gema ashe her ga, mô iban wen va sôromga.

Tsô ne za va hegen ne va kaa ner, M yima ne shighe u ian kpa i kera lu ga, iyange i lu pasen iti Yam, hen a ven hanma, shighe je kpa ne gema her shawon ga.

Yem nen heen kera, ne. mba i we ne ifan, Me yima ne hegen ga, shighe wen kar, ian kondo sha ci wen, ne venda myima shin tar, ian kondo sha u yiman ne.

Ne lu vihin akaa sha ci wen, ci Wam yô, ne vihi ga, ne lu tesen ior gbashima wen sha hanma kwagh wen, kpa ne tese un sha aci Wam ga.

lor mbagenev, ka mba dondon je kpa ve tema ve wa ityough inya, mbaatsanev man mbauangev, gbashima ve yô, ngu di sha ape ihinda i ker kpagh, nea de u sangen a sange sha dooshima gayô, ijir kor ne, mayange ne war ijirga.

Kpa Ter A zenda ior mba sangen ior sha asema a ve la, gayô, ka Un A lu a tser u yegher akoo kera ye, Yesu Ter wase kpe sha ci wase, se ior cica se yina sha u sangen ior veren kposo, se ior mba bov ne.

Mough va nen, ne mba iyange ne wa ikyo sha u eren a ior gbem dedoo sha ci Wam, ne lôô kpishi, ne sunda di kpishi, hanmaor nana sunda idyako u tsôron.