Ka ior a sôr, tar ne ga, ka Ter wase A sôr tar ne ye ior mba henen er a ve ga yô, u a kera lu ga ne yô, ve de u manger

Se lu dughun ave a ior ken tar ne, er ka ve ve a hemen, ve a hemen ve tar ne, u a lu se guda ye, kpa mba se, hen ave sha ve la ka ve a unde a tema, tor yô ka i kaha se hana? Se kende Yesu u A lu hemen ken jime se yem, yô yem u keren ior sha u hemen, saa se ver Ter wase Yesu ken hemen man, se kuma u se sôr tar ne jim ye

Ugomna, man utor kua ushoja, mbela mba ôron ijir je kpa ve a kende Yesu ken jime yô, ityô yam ve a fatyô hana? Ka Ter tseegh se ver ken hemen ve se se er, tom u sôron tar, ga yô mfe u or yina, sha mimi yô saa Yesu, Tor Utsôron Una wase, Una wase se se fatyô u sôron ye.

Ngise Solomon tema tor u Iserael, a nenge a kwagh ne yô ityô yam, a va hen Tor uuma pine kwaghfan hen Yehova sha u hemen ior, mba Aôndo A we, un sha ikyev ne, a pine shagba ga, Solomon pine, u wuan mbaihyomov, mayange ga lu pinen kwaghfan, Tor u uma kpa, rumun a Solomon, yange na un kwaghfan, hemen Iserael, yange ve ngbogh a iember

Kpa za yol u, tar u nyer ker ahegen yô ka er mbahemen mbagenev mba pinen kwaghfan u Aôndo ga, kwagh ve yô ka u ve a zua kwagh u, kwagh a gbe ve sha min ikpilaior a lu vaan, kpa mayange je mba yôngor ga, ka u ombon akaa sha ci ve umbur kwagh u yange i ôr a ornyar la, nyian je mba keren uma wou tugh, nahan, akaa a u ombo la cii alu di a an jimi?

Yô angbianev, se mba hemen sha uya man ken Iniongo Kristu, ken tar wase u Tiv, man Benue, tar u Nigeria tar Afrika, tar cii pine nen Ter kwaghfan, Tor u uma Un a na ne kwaghfan ne hemen, ne sôr, tar wase u a doo zan zan.

Yô u sôron man, shi i doo yô ka kwagh u se se er ve, a doo je ne, se kusu, kwagh u mimi bem man kua shi dooshima, se pav a iyuhe man ipila, se paregh, kwagh u un a na se u nzuul a mbagenev la, ior kpishi a nenge tsô ve a dondo se a gba eren, kwagh u doon je, tar cii u a zua a iember je

Yô Jijingi U Ter, va sue se wase se u sôron, er tar wase u a nyôr ken mmem, iember You, ia samber samber a tser sha ior shawon.