Ka saan, nahan ga, ka we a ôron, imo ingin nahan, yô ishima you ngi sha kwagh, ugen ken hemen, kwagh shon, una va umen, yô imo ne doo u hungur ga

We a lu ken ican, ibyanave shin ken ican i uange, we a lu ken mtswenem kpa we ver ashe hen Tor Ugbem, ican ikyondo i tom, yiav mbia a lu doon we ga, kpa umbur fa ka saan, nahan ga m zamber

We a lu ken tor, kpa umbur fa ka saan, keregh ga orwam, eren umbur Ter Aôndo wase Ngu nengen, we a eren a tahav, mhôônom shio yô doo ga cii angbian, umbur fa ka saan, keregh ga kegh ato

Or ugenegh, or ne iyilan iti na er Lasaru lu ken ican, or ne a teman hen hunda u ornyar, sha u sônon, or ne lu a avav iyol ichôv ichôv tsô a tema u tômon, u tômon a tom a tom akaa a haan inya hen tebur u oryar ma aye, kpa a zua a min ga, kuaa tsô Lasaru sule.

Tsô mbatyomov tôô un, ve yem a na, za ver sha ikyum, i Aberaham Ter, ka saan nahan ga yar tom ga kure, tema sha ikyum a iember.

Tsô ornyar la kpe, i ii un ican i hade kohol un, a kende ashe sha a nenge Lasaru a iember, ka saan nahan ga, yar tom na kure, ngura ken bee usu ugbem.

Kwagh ne a lu se ikyav se mbadondon, we a lu, iyôgh iyôgh yô umbur kwagh u er a zege or ne, shin a lu ken ican umbur Lasaru, tema ker civir Ter Aôndo, umbur we ka saan keregh ga orwam, iyange igen we kpa shi u tema ken iember

Shi se umbur imo i Ter Yesu ôr se jim er a lu er atsan nga eren, se ken iti Na yô i saan se iyol se mbadondon, ishima i veren Na ka saan ken ican ga, yange i genegh a gema a hingir i-ember sha ya Utsôron

We a lu eren, anmgbianev atsan sha ci u, we u hemba ve yô, kwagh ngu van ken hemen, u ve kpa u ngohol yô, yô er a se hegen fele, nongo undu ieren ne

Jijingi va suwe se Na se tile dôông ken hanma kwagh, a lu ken ican kpa se umbur, a lu iember yô shi se seer umbur Aba Tere, ga yô iyange igen se va tile ki Utsôron