Ter Aôndo We U ngu, Alefa Omega Yawe, kwagh u hemban We Ter ngu je ga, hii shighe u yange Ter U gba tar, ior a vaa, a yilla U wase ve, zanzan, nyian U ngu Tor u, ior mba kwagh, a hembe ve ve yilan yô

Se kpa hegen, atsan va shile sha vese ve, se vaan sha ikyenge yilan We, Tor ônov Ou ve hingir, hingir zelôô zenden a ikyav, or u shirin se yô saa We, Tor Ugbem, Ter wase ve se yilan We

Tsombor u kpan-kwase yise tar ne tser cii, ka se za sha ityoghkitaregh yô, ding ding, Ter ngu memem ga, se a hide shi ityôtar i kaha ga, zan zan, tar Africa cii, gande se, Yehova ve se yilan We

Utempel, mba nanden Ter wase ve sôngo ior, zenda mbatesen mbagen yem, yem kende ajiir a civir We, ior nyôr u civir We sha ican je, man Tor We U ngu nenge, kpa U kegh ato We se se yila, Yawe sen, va yima se se zamber

Shi Tere ican i uange nyôr ayange ne ve se yilan, ior tim je kunda iyol u nengen, ican i, ijen m ban u inyar, ican i iin mbagen yeren, saa i na inyaregh man a pase ye, ican inyôr atô kposo kposo Yawe, se yilan We er va yima se ye

Iserael, kpa ve vaa ken Igipiti Tor, i lu ican ta sha ve vaa ye, Tor Ugbem, Ter U va yima ve ker, man shi, yange la Hana vaa, i lu ikyôm, Ter Una un wan, ior i, Tiv mba shin mtuhwe, u yilan We de ungwan se ato ga

A lu ci u afer ican i tser se yô se zamber, Tor Utsôron yô gba den se, ior i, Ninive ve kav ibo ve ve zamber, Ter Ude ve a ibo ve, se kpa ci u Yesu gba den se, ior i kpan-kwase ve de timin se ga

M ngu yilan, ior ci ca ve mough se zamber, ior i Afirika mough ci ca, ior i, Nijeria ve mough, Benue se shar sha ibyashôhô, zamber, Ter wase A zungwe se se hemba ican i tar ne za nyôr, ape ican, a cihi a za nyôr ga yô

Tar cii vanen, vanen a uzamber, se gema asema se dondo Yesu er, Tor u Uma Una zungwe se, se hemba ican i tar se za mem, ape ican, a cihi a za nyôr ga yô