Gande se, hemba se ve se yilan We Tor Ugbem, Ter tar ne yô u tser, a tser se mbadondon inja er u a yegh, ican ngin ngi gbinda kposo kposo sha hanma kwagh, ve se yilan We ye Tere Aôndo, Alefa se se zamber

Kape ngise Iserael, ve due u yemen tar u kaanan, vea a hemba U ato u tsaha, sha kwaghyan, iangev kua mbaihomov ve tim ve, er m gema ashe yô m nenge er tar ne, u undu imo Tere Aôndo, ve Tor A ne ian ican ne, sha u nengen aluer se umbur se a hide hen Na, er Iserael yange ve a hide ve A zungwe, ve la

Ican inyar kwaghyan, hegen taver ka we a za, ken kasua sha u teen kwagh, yamen kwagh nenge ityô yam, mbayamen kwagh mba cian, sha ci u tôndon tyakeda nger gande, Tor a hii imba ne se er nan ve imba ne yumu? Kpa mpine U ga, kpa ka zamber, Zungwe se mhôônom pande, ican sha U gban tar

Iangev nyôr hegen, gema ase nenge kwagh, mbasôron jim kpa, iangev mbi tindin cii, Ebola ngu timin wuan ior, ka we a gba, Ebola yô or u sôron ka bo, we a kpe di jim yô, mbaiin we mba inja er, iji dondo or kpen nyôr shin war, ka timin eleghee, Anakande tim a tim a tim ior, kpa maiyange cigh ki lun je ga, Tor ahii imba ne se er nan ve imba ne jimi? Kpa ka an, acihi a pine Ter kwagh, ahii Omega Ter, Zungwe se mhôônom

Tere Aôndo, ahii shir ase ashe nenge, ônov Ou hingir a ikyav gengee, pe shilin se mba fan ga, Aôndo atôatyev ve nyôr, kape civir We la ka ve hon ikpagher, u timin se, U civir We hegen Tor u Uma ka sha mcie, mbaihyomov mban timin ma tim ior ken tar ne kpishi, ve yôhol ayol a msen, hegen ngee gande, se hingir gengee se mba kôndon a ikyav, ityô senen a ikyav sha avande je, kpa se na U ibo ga kpa ka zamber, Tor ahii pande ican, ne sha Ter Utsôron

Ahii se mem kpa? Tor Ugbem shi i kyaa va se inya ve, ka we nyôr ken iyou u yav kpa, nenge mbaihyomov, mba rumun ga, ka we a yem ken ityev je yô, kwagh ne vihi hemba, Tor ahii nenge inja er, se gbe hingir gengee inja er ka i, yôngo i or, u kuran, i a sar, mba wuan se inja er ka i, nyam i ken toho yô, Gema se ashe nenge kunya u kôr U a vese, kpa se tese u tom ga Aba Yaweh, Ter Ugban tar

M ngu yilan, tar u Nigeria man, shi Benue m ngu, yilan tar u Tiv ku mo m zamber, gule se inya se sôn Aba Yaweh, A pande ican ne, gayô i gande, ne utor, se ta inyagba uya, se shar shin mtuhwe inja er ior i Ninive lu zamber, Tor u Uma Ter Wase Zungwe ve, tar cii u mough sha se gule, se gule zamber hen Ter Aôndo Alefa, man Omega Yaweh Tor, Ter A ungwa se keng

Yô va nen, va se gule, se gule zamber hen Tere Aôndo, Ter A ungwa se keng, Ter U zungwe se mhôônom, ga ican ne igba ikyôr

Aôndo Tere Aôndo ahii, lu se kende imo You se yem ica, se undu imo You, ican i tseren se kpa se hide nyian gba den se a ibo yase tsô, wan kav ibo na yô a hide, ter na a ngohol un a ember, Tere Aôndo-oo, se se hide nyian gba zungwen se tsô