Mmmem ngu ayange ne, shin botar ne hana angbianev? mzough kera ngu lun ken tar ne ga, tyav mbi nôngon, adôô adôô ningir ter man wan kpa nenge ayôôso ban je ga, mba kperan inya mba gbuusu a tar i vihi kpishi, mba ôron ajir kpa ve ôr kwagh je ve vôr gbeda gbeda.

M ngu pinen, angbianev ken Icighan Nongo ka han, jim jim or a za meme? Ka we a civir Ter ken temple kpa i za kôr u i yem i za koso er saa a na inyaregh, igwa i utya ahegen hingir anbeer kwagh, u umace ve hingir inja er ka inyamtoho, u wuan sha gbuuka man, sôngon a sôngo, mmem ngu shawon ga

Cier iyol u nengen imba kwagh ne ityô yam, tar ne penda shigh shin ijem, man a er man ken hemen-oo! Ter wase Aôndo, imba er i lu zan ne usu kpa or a dugh hen angbian, u wan ndor a nan ga shin mngerem ga, ape memen ken tar ne ngu ga saa hen Oryiman

Ka kwagh u Yesu lu ôr, a vese ken Mateu ityough, ikundu kar unyiin, kwagh la mough eren ve

Er shighe a kuma se nenge, ityav mbi a nôngo ityar i a tenger, mmem a lu je ga, ihyom i kôron ia tema tor, ior mba wan ayol a ve ikyo tsegher ve a ngee kpishi, man mba nengen mker kpa ve a lu, kpishi yô se fa, ser shighe Na ngbôghôm ayange ve

Ka ian i taver ishima u civir, Ter Yesu wan ityough je ne ityô yam, mba ve fe er shighe ne yô mkur zurum man, tar u lu tenger yô mmem ngu ci ve, ordondon de keren mmem u sha pila je ga, se a nôngo nan nan kpa mmem a lu ken tar ne er se fe la je ga, kwagh u Ter wase Yesu or, una bunde shawon ga

Doo u se mbadondon, Ter Yesu yô se tese tar, a pe memen ka hen Yesu sha aeren a se, se lu a dooshima hen ato wase se mbadondon, man mba ve we ndor a vese cii, ieren i sha iyol la i de nyôron hen mbadondon ga

Yô Ter va Na se agee, tar ne a tenger je er u a yôhol, kpa se fa, mmem ngu keghen se sha gar Utsôron, se za nyôr, shaala se mem gbem a bee shawon ga.