Mo m ngu ken ican, Terem Aôndo, yange m kende Yesu m yem, sha asaren a tar ne, ican i mkaanem Ou eren, ican i u ange i kohol mo, ican ibanave kpa i kohol mo, ican i jen kpa i kohol mo, ican kaa kwagh a mo doo u nenge ga.

Er m nyôr, ken ican yô nenge, orihyom tesem, igbinda ifyer je, a tesem iwoo-or aier iv, ipila ieren, cii me dondo eren ve, ican a beem ye, me gema me hingir yôgh yôgh, m tôô ikyav mbin m gba vanger m zua a i wasen ken a ve ga, Tor Wam ka sha We m ver ashe, Tor Wam va yiman ken ican ne

Tsô Yesu, va yimam dughun ken ican sha, angev av mbu sha iyol, man mbu ken jijingi bee, Oryiman nam kwaghyan, nam akondo a yologh man, inyaregh, nam kwase a mbayev, A na mkaanem Nav ken a mo, u dughun atsam u civir, Un sha ikyenge ikyenge tar u ungwa, akuraior ve gema asema

M ngu yilan, mbela mba atsan a tser ve ci ca, or u been atsan Yesu va ve, Tor Ngu been nyi-tyô ican cii, va nenoo ka gbilin va va na Tor jighjigh, A yiman ne ne mem atsan a tar, cii a bee ne ci ca.

Se fa Tor yem, ior Nav ken ican gbem, shie u ican i tser se yô mbadondon, se se zungwe ican i tar ne je ga, Hana lu ken ican i wan, Ter Wase na un mar wan, Yobu nyôr ken ican, i uange man ibanave kpa lu suur sha Tor Ugbem, or u perapera Yobu hemba ican, hemba ican ityav Yobu zua a m-mem

Yesu, Ngu her atsan kpen imbishi se, ican imôm imôm a fa se ityô, mayange ken tar ne je ga, Tor hemba atsan a tar ne, cii sha gologota ci ca, mbadondon se wa nen ishima, shie u mhir u Ter Yesu, se aa ican a tar, se yem se za tema tor imôngo a Yesu, ican a za tar u sha ga

Sue se Icighan Jijingi, ken nyi nyi nyi ican cii, se wa ishima keregh, shie u Yesu A hide, ka kôndo se yem sha, ican a bee se a lu a iember se tema Tor a Yesu Ter, sha Yerusalem Ugbem