Ngise Noboti yange venda kwagh ne a tor Ahaba venda, er sule u ikyon u wain wam yô, mo me na ga, me na ga m venda sha, tor-terem Ayangem u nan we, idyako u uter av mo m venda.

Dyako u Naboti yange lu Ahaba lu kperan ye, man, se yô hegen ka mbaihyomov mba teran-kon ve soo u ngohol un hen avese sha, Tor, yange ve ken iti i Yesu.

Se mba yevese mbaihyomov, ken toho a ikyav ityogh mba zendan se, u gberen se wuan se nanden se u, yaav vihin iyiagh je, Ter wase nenge, mba i woo se yô ve ngee gande, ka ve pav kwase uya je, ve dugh wan ve kende ve tser sha, ayuu! Ter Aôndo, yô zungwe se, yima se sha ikyev i aferaior ne.

Ne mbala mba ne lu toron aferaior ne a lu wuan se, ivaan i Aôndo wua Ahaba la, ngi a mem tom ga ngi ningir her u wuan aferaior-oo, we a yer, ken iyou shin alu shin mato, a lu ken afishi, we a yem, ken tar u caa je kpaa, ivaan la a bende a we a bunde shawon ga.

Ne ityôyam mbakristu, ter wase zua se ken Yesu, Yesu gema zua se a Icighan Jijingi yô se zua nen, ve a tôô ugbuuka kua sanker se tôô msen, indyer, gbuuka i hemban ugbuuka kua sanker a ubom, mba ken tar ne a hemba hanma kwagh u zaiyol u tar ne purututu.

Doo u se venda ibumegh sha idyako wase u sha iyol man u ken Jijingi kpaa, ka myom u Ter wase Aôndo A ne se mbadondon, ken wan Na Yesu yô se kende ormee a vihi ga, ngu musan udyako ne faa faa hen mbagenev, angbianev mbakristu se se musan ga.

Ter Aôndo yange U na se idyako wer shighe ugenegh, ikyurior ve a va zenda se er se se mough sha ga.