Or u kwase aie nan, a mar ken tar ne nana kpe keng, shien u Yehova Ter A ver u, una kuma uza abunde je ga, we bee iyol ungu va kpen, gumor akpe keng, we lu yev yev kpa ukpe, ônov mba folototo

Shimion, lu bee iyol cii ve lu kpe ye, se ungwa er wan u, tor Davidi kpe lu yev, Davidi lu sôn kwaghyan, iyol kpa ôô sha, civir Ter, gayô Ter er shima Na akure, tom na er A soo yô

Huan, huan, kenger sha Tor u sha, huan se fa awashima u Tere Aôndo ga, Ter eren kwaghbo je ga, A fa de u vaan, Tor Utsôron Ngu her, nengen ken ica ape, ashe ase atsa a nenge gayô, alaghga ibee ya na sha ve, Ter ayer ye, alaghga mliam ma aseer ku kpa se fa ga, yô mba van ku hegen ve ver ato

Ungwa ngise, or u genegh yisa akombo, tser akombo atyôô, i tiv ne ci ca, lu har gbegba, or kôr anyam, hua ikyôvor lu ikyondo i zeren, wa akôv a Begha shin angahar, gbough ku tuur lu kuhe-nor, or ne gema lu a iwange na il lu tyough, ki yarasua, chirin idyer i ato aikpam, yange or ne gba angev, mbasôron akaa ve va yange, er una kpe yô yange imômimôm, kpa or ade vaan ga

Ora a vaa ka i nan, or ne a mough we ukpe abunde je ga, umace ci ca yem cian, er or ne va kpe yô, or u vaan môm tsô lu je ga, or u shosom môm tsô lu ga, "mba aye hehe", huan viing wan u ikyum avaa isase atumba

Or u tyôô kpa i yange, er i de vaan nan ga ior de, man orkristu akera mem ga yee? er ase, ashir ken shima, yô mem kwelegh, ka or u akpe ken Kristu ga kwelegh, ngu a zende tembe ye

Ter wase Yesu kpa, kpe yô fa kwagh ne, we u ngu nyi ve we u kpe ga? Nenge, ugomna mba kpen been, mbasôron-twer mba kpen been, mbakurantar mbakpen, tor una kpe, icighanor u Ter kpa una za keng, or u perapera nana kpe, or ngu bunden ku ga

Myange ne ngu sha ciu, mbela mba, ve fe ga ve lu vaan la, man ne umbur ken shima yô, or ne ngohol Yesu ken uma na, a tema ngu sha ikyum i Aberaham ngu memen sha, msen wase yô ka ciu, mbela mba, ve ngohol Yesu gayô, man ne ngohol Yesu, er ian ishi ne, ian a kaa ne vaa afainyô, Ter samber ave sha hegen ngu ngohol mbela mba ve ve yô