Ter Aôndo ahiin, atsan kposo, kposo nyôr tar wase a hegen, yisa se u uma, nga nzuul la ior mmem ngu shawon ga

Angev yar tom, or môm u tswer ga, mbavesen kua shi anmbayev kpa u tswer ga, or u iyol shôôgh tsô ngu sha won ga

Ku yisa se u wuan, ayange ayange gbem, nenge ior, hingir mcier u cian ku, mba yemen ken igba sha u waren, mbaeren akombo ngee, kpa ka er ve fa ga yô, pe waren yô ka hen Yesu tseegh.

Ican i gen i tser, se ve Ter wase se lu vaan yilan We yô tyav, mbi kase se yisa, yisa bee ci ca, ka wa hide heen ka tyav, ior mba yevese, akyav gedee, ican nyôr se iyol ken tar ne, Ter ve se yilan We

Ter Aôndo aoo, tar ne tsee, mban u akaa tema ken ior, mtaver, tema ken mbagenev, u yan aya kpa hingir zege-ican, gbenda u or a zua a nyaregh nana kure kwagh, ka zegeican kpishi

Ican ne iva hen vese, ka se a-yol ase i lu se ibo ye, se undu, Ter Aôndo A undu se ye, ihembeato i ngee, tindi u Ter kpa se mba vendan, se hingir mba eren sha asema ase, ifer gbakyôr ve Ter Aôndo A lu tsahan i ye

Kpa se mbadondon yô, ian ne ka ian i nderen se, u se umbur imo i Cighan Bibilo i, ôr se mbadondon la, can ia va ken ayange a masetyô kpishi je, kwagh u kristu kpa una hingir, ior mbagen beer kwagh

Ka ian shon jim jim, je se lu sha min ne, i hii ahii tsô, kwagh jim jim ngu van, ken hemen wa iyol, wa iyol ken Ter Yesu, mba ve lu mbakristu yô ve tile ve lu, dông ken Yesu, Ter Yesu hemba ican kua ku cica

Ter A sur se asema, se mba se dondo Ter sha mimin la, or u Ter yô Ter lan nan ga ican a er, se ken tar ne, je kpaa se kende, Ter Yesu je ga, ican i tsôron la se war shawon