No. 2791
8 Avur · Elijah Alôhô Iorfa
Mnder

Alu Ter Aôndo Ter Aôndo tsegha kwagh u injar Na, se laha nen je ga, se puu yô, yange la se gba kwagh je ga.

Mrumun

Ngise tsegha Naserati, lu kpuaa je, Ter Aôndo tsea gar Na sha kwagh yô, ilu keregh Oryiman u tar dugh, se lu ember myom ye.

Ivur 1

Mngu gban ôron ga, angbianeve m ôr ken Cighan ruamabera, uivangeli Luka, Mateu kpa er shiada sha kwagh ne, ilu Aôndo iyol Na, iyange lu tindi Gabriel, ortyom, Na ken gar u Nasereti, pe A tsegha wan, u una va yima tar ngu kelegh, za a loho u dedoo ken gar yô, shie shon kom Maria, mar Ter Yesu Kristu ye

×2
Ivur 2

Bibilo er, shiada Nasereti hemba ndahar, ken gar u Yudia tyôyam, or tsô fa er nenge, kwagh u injar mayange adue ker je ga. Kpa er Ter tsegha u ishima ishima ishima idiom A na, wan iyôngo Yesu, va kuma tsô kure tom Na

×2
Ivur 3

Angbianev, shi me tese ikyav igenegh, henpe Aôndo A tsegha kwagh Na, gbenda la ka ishima i wan, shin alu ken ican kpa, taver de geman ga, se umbur, Yosev yan lu kpan ken Igipiti, kpa va kuma Ter tsô a hingir abo ken Igipiti, kwagh u Ter tsegha la due, ityôna ya a iember

×2
Ivur 4

I lu Aôndo iyol Na, kuma Ter u nan tor yila ônov, mba Yese ci ca cii ve zua utaan-kar-uhar mô tsô kuma, u a kôr nan tor ken ave ga. Samuel fa ga lu nengen sha indi, Ter gema nengen ken Jijingi venda. Tsô a pine ugen shi ngu je he? Davidi ngu kuran ilev ken toho ica, yô tindi, iza va a wan la. Samuel, tsegha ase ngun kuma tor, alu wanye cukuu kpa, Ter Aôndo A tsegha kwagh, u injar, ken nan yô se er beer se kpera iyugh

×1
Ivur 5

Ilu Aôndo iyol Na, tsegha ken orgen Semson ye, lu agee ayolugh kpishi kpa ken Jijingi zune. Zer zenden agbaga gbem. Delila va hemba un na Mbafiliti, ve ongor un ashe awua wua a vine ishor, Semson yange laha a puu, kwagh Aôndo tsegha ken ana yô aya kunya, tyôyam sha mimi se puu nenTer Aôndo tom ga

×1
Ivur 6

Se mba Aôndo Ane se tahav sha ikyev, ka se nenge indi yase Goliati u Gati, or kom se sha kwagh ga, shie uTer wase A sen ijir yô kwagh u injar a due ken vese ga, Oryiman a wase zege ifan, ifan i kuu ngise Tor wan kon u tur uma igyookoko

×2
Ivur 7

Yô se de u puun kwagh u Ter Aôndo A tsegha ken or yô, u keren afôakyaa a vihin sha nan ga, se sue a sue nan, ngise lu Koraki man Datan, Abilam, ve puu Mose hemen, ken ikyôngo yô inya mena ve ve tim, ve tim a tsombor, Tor Utsôron pe ngu a kure tom Na

×2
Ivur 8

Na se umbur er, gar u Nasereti hemba ndahar, kpa lu Yehova a inja yô, Atsea kwagh u injaar Na lu keregh, shie va kuma tsô a due, Tor wase se sha er se kera laha ityom You, sha er se va za tim ga yô

×2
Oricam
Elijah Alôhô Iorfa