Injakwagh ne, imon er tom a min wase i, shien u yange orgen lu haan mngerem ma, tseen sha gambe sha u i kpe, kwagh gande wan-imon ande ayem un a due, kpa ngô na yange un, wan u due yô u zua aku, kwagh u a tsee ka a ndôhôr keng, wa ishima, iyange ve war ku la ye.

Tar ne, u tsee yisa sha hanma vegher, or memen ken tar ne je ga, kpa se wan nen, asema se wan nena asema, mmem u Ter Yesu A na se la, ican i tar ne i a hungur se.

Atsan, yô ka u Karen se, jighjigh asev mba nan, er ve kuma sha iengem i Ter a ser, de henen we or u civir Aôndo ye ican ga ze.

Israel, yange ve tsa, ken tar u ikpan, kuma er anyom, deri unyiin yina ve ga, kuma Ter yô sen man na zwa, or u hendan kwagh lu ga Yaweh, ior tativ due a iember.

Aberaham, ter u mba nan Ter jighjigh, lu kegh wan kuma anyom deri, kegh, isaka va due a iember, pe itser u la wa shima yila Or-yiman u zua a mmem, Ter yaven ga, ngu ungwan iyol ga.

Ifyeror, ngu bumen se er or u civir Aôndo ye ican ga, man, Uprofeti mba pasen, ivangeli ne cii yan i yina ve ga, i kende Yeremia shin ijôr, Amoshi i zenda un yem ityô you, Yohane pase mimi i wua un, ken gaadi Yesebel, zenda Eliya je a lu wuan uprofeti mbagen, yisa i, mba ve hemen avese la i taver se asema.

I lu sha iti i Or-yiman ne iyange Mbaroma, kende Yohane shin mkurem ma pughur ye, kpa Uhemban sen yima un, kpa ve de ga Domishen, shi kende un ken chile sha u kwagh a bee yô, Oryiman ande hen na a nger se Mpase ye, shi ve gber, Yakubu sha sanker, Marku yô yange ve kpela un, hen nya gbem a coon avur avur, kpa or môm gema kposo je ga, angbian Batolomi ve hua kwav, er ka nyam yô, a huam kwav kpa me mem ga, a hua se kwav kpa se gema ga injar i, ver se hemba atsan a tar ci ca.

We a lu yan ican shin, tar ne je kpa mayange den, henen wer Ter kende u ga, a kuma Ter A nau mmem Na.

Ichighan Jijingi, va tsec se mba-dondon, sea nyôr ken ku kpa se gema ga, a kôr se ihyom, shina lu iwuhe kpa se kende U ga Tor, penda se m-mem Utsôron sha.