Mo u kaka, kpa sha mne u Aôndo Ter yô m ngu yanman a ior, zenden ave inja er mo m ngu ma tyôkyaa yô, uma wam ngu her zan zan ken ican, kpaa Ter gbihim ga, mwar aikyôr je u, ma mtim a tsombor wam, sha mimi yô Ter We u kuma sughun.

Ken ior mba, Ter Aôndo A gbe ve ve lu shir ken tar ne ci ca, ken ve yô mo mhemba isholibo, mhen u or yô ma itimim sha kwagh ma a bee, kpa kunya kôr Ter zungwem, ngu nan mo iveren, man m de u asorabo, me wuese Un zan zan

Sha kwagh u, tar ne kpa myina mkende ave sha ior, mba tar ne ulu u ve yô, kwagh u tar u sha la kpa mkuma ga, jighjigh u nan wam yina Ter, kpa u ongo imo i mba msen av er ka mo or, ukyoo yô, kwagh u doon yô Una mfa iti You

Ka a kohol u civir, We me a due heregh ior mba hônon ave, sha isholibo yam m hingir inja er ka awa tsuwa sha alaghga yô, pe gen yô i lu inja er Satan nyôr, tema ken adua kpa U gbihim ga, tyôkyaa ne kuma iwuese.

Mfa u sônon kwagh, ga kpa sha dooshima U Tor u Uma yô kwagh banem ga, A na uma kwase man ônov, mde u asorabo, kpa Ter nam kua mbee u angev Tor, iv uma wam a akaa adoon me sugh, Tor u Uma Ter U kuma iwuese

Yange mgba angev mkar dyako shi m dugh gericam u me lôhô tar ne a yem mbee, m na jighjigh mer me kera shi lu uma ga, dooshima man mhôônom ma Ter ma kuma u sughun, man wuese We shi pasen tar cii, u fa Yesu ka U mhôônom.

Mba ihôngor ve er mo, sha kwagh u shoribo mngu yilan, de cian ga, va se gure amu se sugh nen Ter u mhôônom, Ter vande den se kera, ken iti i Yesu, se mba kwagh u Yesu se mba sha ciu or ga

Jijingi pasem kwagh, ne m fe ve m yilan ior, wasem nen se sugh nen Ter Uma, awambe Na yima ka mo tsegher ga, ne ugomna, udasenda kua shi utor, shaghaor kpa a mough sha, ican kwase man atsan a ior cii, ve mough ve wuese iti i Ter Yesu hemba cii

Sarem u wuese We kpa Terem mo mfa kwagh, ôron sha er a kuma ga, Jijingi oo! Yô va wasem, mwuese Aôndo Tor, er mo u kaka kpa Yesu A yem, yô ivihi Satan je ava ahange