Sha m lu u civir, Ter Aôndo shin tar ne ken iti i Wan Na, Yesu Oryiman ne tar u a er se ican, kpa maiyange se vôr je ga, se taver asema her Ter Yesu Ngu her u kumbur se

Ungwa ngise, ican er Daniel sha ikyev i mbaihyomov kpa kende Aôndo ga, nenge i kyav hen Davidi sha ikyev i Saulu tor, Yesu Oryiman, kpa ngise tar er Un ican, zan zan je i za mande sha kon, kpa kure tyom i Ter u, ngula sha a i engem la

Aluer, ior a zua zwa alu nanden, se shin wuan, se ior je kpa, se mba se shi, uma her se mem nen u eren, tom u Aôndo ga, aluer a kôr se ior a yem a min kpa, se sôn nen Aôndo, ior mbadondon ter Yesu cii, gudu gudu ne kpa se undu Yesu ga

Ka jighjigh, u se ne Ter Yesu jim la man, ihyom ilu avese ye, hen shien ne yô mba zendan, se er se mough hen tar u, Ter Aôndo ane se yô, kpa a gema ka ci u ilev man, or umace ve a ilev kanyi jim i hembe, mba kuran tar ne mba nengen, kpa mbagenev yô ve, gema jime ve na ian, er iwua se purututu

Ka sha mhôônom, ma Ter Yesu ve er se mbagenev, se lu uma zan zan nyian ye, ga yô mbagenev ken vese yevese, yer ken iyou i msen kpa mbaihyomov wua cii, mba yeren ken toho kpa mbajingen, keren ve er ka inyam yô, mba hemen tar, mbela mba ma ve sur se shima kpa, mbagenev keregh ve ôr inja er mba nan se ibo, kpa mbadondon Ter Yesu cii, or u surun se ishima ka Yesu

Ka Ter Yesu tseegh, Un a na se msurshima ye mbadondon, umbur kwaghôron u ngise Ter ôr la, shin tar ne yô ican a er ne kpa taver, shima mo mhemba tar ne

Shi se umbur, kwaghôron u Paulu Apostoli ôr yô, ican tseren se mbela mbadondon Yesu cii, kpa ikuma sha iengem i, Ter a va pase se sha iyange i Yesu ga

Se a lu kinen, ma toghor je kpa se kende nen jighjigh u se ne Yesu ga, ka or u a taver shima, her zan zan, shie u inkur la a yima nan ye