Aôndo nenge, sha ivese yô Aberaham yan zua ivaa lu ve a Sara, Hagai yô lu kpan, kwase zan aza ityom tsô, ngu timin ônov mba Isaka sha kwagh, u idyako been

Iyongo ne hii, hii shie u Sara va mar or, or uyan idyako Isaka lu wan tende zwa, lu idyako na jim jim kpa ishimael, lu kperan a kperan Sara venda, Tor Utsôron Na zwa Aberaham, yange zenda un yem alu ken ikyôngo yange hii ityav ye

Ityav samber tsô Nigeria yegh ibyugh, Benue va kôron usu tsô ior tim, nyôr Taraba igbôndo ityogh tema tor, nyôr Pelateu tyav nôngo, Nasarawa kpa ityav wua ior, Maduguri gande yô i na mato mba iin mbakpenev

Uza Kaduna man Abuja shin a lu uza Yobe, kpa u tagher a ishimael, Kogi man shi, Cross River, man Rivers kpa ityav nôngo asoo, asoo u ngohol Nijeria cii, una tema keregh a ibua tar ne num ayem kpugh, u num kpugh a ikyav ityô kôndon, kpa uza tagher aku er aseh asen kpa ku isa, se hingir wuee gengee, se mba saretete kungwaa Aôndo se mba kughukuku

Akegh, Ter Aôndo wav, ava mba tan ubom, mba tan ugbuuka mba paan, mbapaan ior sha asom nanden, uchechi tom u Ter wase nzughur, nenge mbatesen mbagenev i nande mbatsan shin toho, we Ishimael za ken igipiti, pine Fareo tsô ungwa, yange hendan kwagh a Ter Aôndo, atim shin mnger a ityô na, ve tim ereghee se ungwa gbenge or due sha tar ga

Kpa mbagen, kende imo i Ter wase yem afer, mbagen nyôr awambe a man, inja er akum atsegh yô ityôyam, man ior mbagen kôron, mbagen za yeren er saa ana inyaregh, ipila man iyuhwe ijimba tema tor, mbagen yem akombo a civir, Aôndo a Na se iyugh, mbaishimael ve pev se ityav ye

Aba undu, se u umace tar vihi ci ca, ônov yem akaa aman, mba man kpen nderen, ityough gema ve ker tindi osough, u wuan or ka ve beer kwagh, ve kighir mbagen time war, ve ii ve uma, ve na million kpa ve venda, ve venda er, nyian ka uma, ka inyaregh se keren ga

Angbianev, mzamber ne gema nen asema, hide nen hen Ter Yesu Tor, ka ijôr awambe vanen, a jighjigh, va va gba nen iyol shimi, Ter a kile ne afer, hanma inja isholibo Yesu hemba, hemba ican man ku shi kua ityav, yô de timbir nen ner dyako u Tor wase a bunde ne ga

Se mba vaan, shi zamber Awe Ter wase Aba Tor, kurutya wase Ter Yesu, Jijingi u Ter, Na se se dugh afer, se de iwoor se dugh ijimba, iyuhwe man ihyom pila se de, shi se de angereke a mpav, se suur sha dooshima u Yesu A hemen se hemba ityav ye

Aôndo ver se dyako, i hemban na, ngi keghen se ya u Tor, yô kende sanker va se dondo, tor er u va tim ga yô