Uma ve ôr injakwagh igen kaa er, avule ka agba i nyôr, hwange môm eleghee.
Ka ape umace ver shor la, er avule ka agba inyôr hwange jighlii, mba kera samber ken toho sambapepe ga.
Tiv ôr, injakwagh ne hen shie u kwagh ka una va tser ior, yô ve zua ishima ihingir imôm, ve i nôngo amin abee ye, ga alu, mba mhen ve a zua ga yô inongon yen, cii ka I saan ishe
Ikyav i tesen er kwagh ka una tser, yô izua cii man i nôngo a min yô, zum u Mbaiserael nôngo tyav a Mbaamaleki, Mose a kenden ave sha yô Mbaiserael ve gba hemban, una shilin Amaleki, shi ve hii u hemban, ave va kpen Mose yô Hur vea Aron, zua ve kende un ave sha ve hemba ityav ye, tese er mzough alu kwaghu doon yô
Kpa ne zua ga ne nôngo nan kpaa a hemba ne, m umbur zum u Mbaiserael, ve nôngo ityav a mba Aii la, Ter yange er a lu ne za ityav yô ma, or ade ye shar ga, Akan ya ishar tyav hemba Iserael hembe a yem, shin er ve nôngo nan nan kpa ve kera zua ishima ga yô tyav hemba ve, man mkav mzough alu a tahav yô
Hegen kpa avule gba, ityôkyaa yô kwagh va tser Tiv, kwagh tser se Benue, tser Nigeria se Mbakristu, ior mba hungur inya mban sue ku u timin se, man gbenda u se hemba kwagh ne yô saa u lun dông ken Yesu, shi se zua ishima, se lu môm Ter Una wase se, se war hen mbaihyomov ye
Kpa mkenger tar ne, hegen yô mzough na ican, ga yô se mba yevese tyav man ayol ase kpa ka u nôngon, zan zan ken inongo i Kristu, kpa igen ngi nengen igen ye ka mba ve lu wang ga ka mba isholibo, shi pati vihi se kwagh u mimi ka a ôron, kpa se kera fa er ka kwagh u mimin ga, Yawe Ter wase se u zuan sha mhen môm, ka nahan se nôngo ityav, a kwagh u alu u tseren se
Se zua nen ishima imôm ve se hemba, kwagh u ave se nya ne ityô yam, lu ken katoliko we lu ken NKST, Penticosta Chechi kpa yô ve fa chechi ga, orkristu ka orkristu, shi we zaan adua ga kpa, er u lu or u gberen icur inya imôngo ave, ga yô nyi kwagh i tseren, se Mbakristu, la we kpaa a tswer ga, yô se lu nen ken mzough, Ter kpa Un a wase se ye
Avure gba kpa Yesu Kristu yande chaghan hwange, hide se dondo sha Ana, se kera za pe genegh sha er, se va puu avure ga, ga yô ityav mbi ken jijingi kpa Yesu, shi Ngu nôngon sha ci wase, yô se cii se na Yesu, Ter jighjigh, Una na se mmem u gbem
Jijingi, Na se er se lu ken mzough ken mba mhen er, se dugh anyiman akaa, iyuhwe kua mpav sha, Na se se lu a dooshima, bem man mhôônom, uhemban yô se Na Yesu jighjigh, Ana se mmem Utsôron