Mmough u zan hen We, Ter Oryiman m ngu sha gbenda, asaren a tar ne nga yisan, gandem m yilan We

Peteru, kpa mough zan hen We Oryiman ken mnger tugh, lu ndyalen sha mnger zan, kpa shie kpuee, ahii u tan akpelan gba miren, yan kaa imo a yila U Ter, U kôr Peteru wegh, kera mile ga due sha tar ye

Mmir u Ter Aôndo Ter m-miren jim me yer U ga, m nyôr tyough ken tar ne je Ter m hungur, a iti You ka m-mire je mpav, jimba ve kasem kua aier, man ihyom ikôron, or ngu a bende mo i lum pe ovron iyev je, mban u ishima wan ngu ken mo, jighjigh u nan wam yina, Ter ka m-mire wam.

Yô ka mo tseegh ga Tor, gema ase ashe ken nongo u Kristu, kpilaior i til la ka hen a We ve mough u zan, asaren a tar ne nga kighir, ior mba miren, ior mire sha ikyaa inyar je, mbagen mire sha tyolonshima idya ngee kpishi, liam u dang ka hen mbagenev, a ngan na iyol kpen ngee Tor u Uma se ule, hemban je yô mvôr u ken Jijingi mire ior

M ngu zamber We, Icighan Jijingi ahiin kôr se ave, sea tsume kpa u hide avese je, se a mire kpa U Ulugh se gbem, se due sha ye, na se hemba amen a tar ne, Ter se za nyôr, ape Yesu A lu ye

Yô kôrom wegh, Icighan Jijingi mzamber, U gbilim ken tar ne me nyôr, sha ya utsôron ga

Va kôr se ave, Icighan Jijingi Na se agee, tsô se hemba amen alu tagher, se u nyôrôn Kanaan u sha la, U taver ken vese zan zan tsô se kôndo, se nyôr ya utsôron sha.