Se yem nen Shaa-la se za, tema tor sha ya u he a iember je.
Se yem nen sha ya la se za, nyôr a iember, gar la yô mba ye atsan keregh ga.
Gar shon, Yesu kpa yange vande ôron se mlu Na kimbir, shighe U yange kaa er M ngu yemen, u za sôron ne ajir Me hide yô ne za tema tor
Mpase kpa, shi va pase se er gar u doon ngu keghen se, u kenger kpa shi a doo kenger, Tor er iwanger i gar la mondo doo u kenger
We a lu yemen, gar la yô nôngo wuhwa iyol, sha icivir i Tor Ugbem, de wuhwan dang ze angbianey, ormbaiv, shaa-la ga Ter A rumun inja la keregh ga
De wuhwan iyuhwe, hua, aie, angereke akombo a civir, ihagh i tan ihyom ze angbianev, chimba-chimba jimba idya la Ter A rumun anza la keregh ga
Wuhwa sha inja, lu a ieren i mimi perapera, u eren sha aeren a doon, zu, ishima you ve a Ter Aôndo, orwam sha ya la ka bem man, shi dooshima tseegh
M ngu zamber u ter, man u ngô man, ônov, mana hur am angbianev av, tar ci ca cii vanen se yem, ape Ter A se se iember i Tor, sha ya Utsôron la
Se kile nen "akondo" akondo a ilen, “a lu waang" kile ishima kile inja, se za nyôr sha gar u engem, “iember a dumbur" se ember yar yar
Se kile nen “asema" asema a ilen, "a lu waang" er iyang la yô se va za nyôr sha gar u engem, "iember a dumbur" se ember yar yar