Hen tar ne, yô ka we a lu a or u wasen ga yô nenge angbian kwagh u, man nenge inja kwagh la, man shie u gen yô ngohol sha ci u, we yô u ngu a or ga, m fa jim jim u lu a or môm u wasen ga, yô fa i tser u ve

M ngbe ôron ga me tese ne nenge ngise Naboti lu a or ga, Tor Ahaba wua un, yange ngohol sule, yô or pinen môm kpa lu ga, i lu Ter Aôndo iyol Na, iyange la va kure ijir i Naboti, iyange tim Ahaba kua tsombor, kwagh er yô u lu a or môm u wasen ga, yô fa i tser u ve.

Shi se ungwa er iyange or-gen lu ken gar u Yerusalem, or la lu a angev mbu, korkor hen kpe tyungu u Beteseda, ortyom a sen ava kpanger mngerem hen tyungu ne, or u a vande u va hungwan shin tyungu shon yô, na na lu a nyi uange kpa i bee, or-ukorkor la lu a or, môm u wasen ga, yô yange a faityô ga.

Ayange ne kpa mbagenev, ken tar ne mba yan ican, ior mbagenev zua ku, ior mbagenev i wua ve ngohol ishule ve, aci u ve mba a or ga, shi ior mbagen mba ken uange ka mbu, man i hembe ve ga kpaa nenge or u wasen ve môm kpaa ngu ga, shi ior mbagen yô ve kav, itakeda kpishi je, pe tôôn tom la ka ve nyôr her i venda ve aci u ve mba a or ga, hen tar ne ulu a or môm u wasen ga, yô fa i tser u ve

Ka me kenger, ican i kwase côugh u gen shima i vihim, ican i ônov mba côughlov sha aci u ve, ve mba a or ga, dyako u a lu u ve, i ngohol un ka sha pila, kwagh man ve er gbaiyol vev, i ngohol, er ican iwua ve nenge inja kwagh la, hen tar ne u lu a or môm u wasen ga, yô fa i tser u ve

Ishange kpa, ior kpishi mbagenev ve ya shangen ken tar ne, kpa a ciu ve mba a or ga, i ngohol i shangen la, i na mbagenev je, ape man ve yem atejir, hen pe ôron a jîr la je kpa nenge, shie u gen u lu a or ga we a, lu a ishô ijir a na u ibo, hen tar ne u lu a or môm u wasen ga, yô fa i tser u ve

Mliam ger, ger ikyuu ken tar ne, mba se mba a or ga ne kwagh, kuma iyol yô nenge, gomonti u tar ne ne a lu a or ker shawon ga, kwagh ngu a tser ne ne a vaa je kpa i ungwa ga, or u tôôn mliam enev, zan a mi hen gomonti, u tar ne nenge una lu ga, kwagh u a tser ne ne lu vaa, ne ungwa ato a en, or a ungwa a ven ga.

Angbianev, or u wasen se ka Yesu, umace u wasen se er Yesu ngu ga, or u korkor la lu a or, môm u wasen ga Yesu wanger un, alu ibanave shin ka ican uange, alu mba tôyon se a ican je kpa, Ter a wase se, ior mba ve lu timin akende ken tar ne je sha ci u ve, ve mba a ior yô, orumace a va kpe, kpa Yesu Tor, U uma ka u kpen ga

Jijingi, va va tema imôngo a vese, shi Jijingi ta se iwanger er se kav yô, or u wasen se ka Yesu, Tor Ngu a tahav sha zaiyol wase la cii Ter Una wase se, ga yô uma u tsôron jim, ka Ter una na se ye