U wuha sha ikya, sha mimi doo u nengen, ken ashe yô u engem, kpa nenge atam a lu ken we ga yô, Ter A kaa imo Na u uma gyoghokoko.
U wuha sha ikya ka mimi doo u nengen, ken ashe yô u doo nengen, kpa fa mba ye ikya ga kwagh, u i soo jighlii, ken we yô ka ityamegh.
U ngu wuhan taan agbaa, ahu beva beva a ikparen, shio yô u ngu keren zegeifyan, Ter wase Ngu keren atam, kwagh gba Ter a ikya ikyon maiyange ga
Ka kwagh u ngise er, tur lu uma je la Yesu, za tsa ken Betani A lu hiden, ijen kôr Un, lu keren, kwaghyan tsô za nenge tur ikya beva beva ze yô tur la lu a atam ga, ishima usa Ter ker a ijen uya A wa ifyan, na tur yan uma gyoghokoko
Hen shie ne kpa ior, mbagenev kpishi wuha ka sha ikya, mlu ve u ken ashe yô er engem, kpishi mba inja er ka mbadondon, man gema mba nzuul a kwagh u Yesu, ve yô mba sha ikya mba a ityamegh ga
Nenge mbagen shie u ka ve a tile sha u pasen, kwagh u Ter iwondo gba haan iyol vir vir, kpa ve a za duen ken adua, yô ve za, er ibinga kwagh ior ve gba lamen er mbakristu mban hemba afer, mbela mba heen iti i Yesu la mba a ifyan, ci u mimi je mba a ityamegh ga.
Tile kenger, sha mlu wou angbian wam, ka mba ve yilan er Tere Tere a yima ve ga, kpa ka mba eren mimi u Yesu a soo la, man ve a zua a myom u Ter ye, ikpiraior, kpishi mba civir Aôndo sha iyol, ken atô ve yô ka ugbaseghla
Ken upasetô man, mbaivangeri kpa u zua a amba ne, m er mimin Jijingi nam ian, hen ape ior ve zough uhar utar yô kwagh, nzuul ban her sha won ga
Ken mkohol u se, ve heen ne kpa u zua a amba la, ior mba gen wuha ikya, ikya beva beva ve saa sha ikya ve mba atam ga, hii beerkwagh a orgenegh, nana tam, zehe a we wea kule mkohol, kôgh ga ka er u hemba zege shima yô, mbagenev tom ve yô kwase a kar, ve a bon nan ashe ikyôr er a tôô ve ma kwagh yô, 'kasev' kpa mbagenev imba la ka a luun ga kwagh, u ve ve ken mkohol mba kaven ga, de me ôr, kwagh u mimi me cia ashe ga
Ka me a henen, er mo mdoo ashe kenger, man a zua a ityamegh ken mo ga ne ishima i saam ishe, aye Tor ahii na Jijingi Wou A va ivim sha er mo kpa me ume atam yô, na me venda iyuhe a ihyom i kôron, liam u dang a ityoroshima la Tor wam Yesu, Un a va hen mo yô A zôr atam.
We kpa zamber Tor A iv u a Jijingi nôngo ume, ga yô u va zua ifyan iyol orwam, fa wer ifyan i ainge yô ka usu, mhela mba ve soo tom iyologh cii mba nanden, ve keng je abunde sha won ga.
Se zamber Aba Tor A iv, se a Jijingi Na se ume, Ter wase Yesu Ngu van u zôron, mbela mba dondon iti i Yesu sha mimi jighilii yô Un a zôr ve cica man, injar ve ka uma u tsôron sha