Zan zan sha tar u sha, mo me de u wuese, man ishughun ga zan zan sha ya u Aôndo u Uma.
Zan zan sha gar la, mo me de u wuese, man ishughun ga zan zan sha ya u he u tsôron, Tere oo? na Icighan Jijingi, A hemen mo me mem ga, me wuese We ken hanma m lu, hanma ijiir, hanma shie cii.
Me wuese Tor U tsôron m ngu den ga, me mem ga, hegen m hingir inja er nyinya, tôndo a imemegh, han han ki tsongor, kwagh u ishughun kua iwuese Teroo! M ngu den shawon ga
Tor me wuese We, ken tar ne m fa ka kwagh, u yange U gba or, U ver wer na na eren je ne Tere, tom u or ka iwuese u shughun Tor Ugbem, vough er mbaityomov mba shaav kpa ve lu sughun wuese, ningir ikyônough ki torough, mo m ngu nyi ve me de u sughun We man, wuese We Yehova sha wono?
Ter Uhembanagee, U kuma ishughun, U kuma u wuese, ityom You ngi tesen, icivir kua agee, man, mhembe Wou hen na vese, iwo man apev man agungu kua, uifi a utyeku, inyamkyume er begha a Mba-anyam, ve a Nor, mnger kua u sha tar mba tesen mhembe Wou jim, mba wuese Aba Ter, Tere-oo mimi U kuma iwuese
Me mem, ga sha u wuese We ken atô u ior, sha ikyenge-icam i taver, me gba wer ga cii, m fa kwagh u Aôndo A lu hen mo, kenden mo ga m kumbur ngee gande, yô m de ishar, hen Aôndo ga. A vôr a mo ga, kpa alu or yô, zaiyol av or ma a ver amo, Tor vôr ga me mem ga, me wuese We sha ikyenge gbem, hen ape m ze ga je kpa, i za nyôr her i ungwa gwa Na
A lu sha ikyenge tseegh ga, sha aeren kpaa me wuese Tor u Uma, me gba uwegh sha u eren, dedoo a ior ga, shi me gba uwegh sha u tesen mimi man, jighjigh hen ior ga, me wuese Aôndo, sha liam u doon a hanma or, hanma ijiir hanma shighe, man shi, hen ape i fem ga me a za nyôr her kpa, mayange me de u wuese Terem U tsôron ga
Ken ican, kpa me de u wuese We Yehova ga, me a nyôr a lu ken ican, kegheen kpaa me gema ga, er Yobu nahan a lu iember kpa me wuese We vough, er Davidi a wuese yô, Jijingi va suem me de sha won ga
Tor wam lu tôôm, sha zege-igyungu u ihyôgh m lu a il, m ile je ior lu nyaghen u benden a mo yô Aôndo, va tôô, kilem m engem, waang va hambem sha kor m lu kaan, mer me de u wuese We Yehova ga ye, nahan tseegh ga Tor, tesem m fa Oryiman wam Yesu, pe me kar, man ve me za, nyôr sha gar ya u tsôron yô
M ngu yilan tar, ci ca mough nen sha, se sugh Tor U uma, hanmo wase fa kwagh u Ter A lu eren a nan yô, ican-or, wuese Utsôron we ornyar, se wuese Aôndo Tor, ken isheer ken agee kpaa, hanma ijiir hanma shighe, hanma mlu u se lu, ker se wuese Tor, Ter kuma ishughun se de sha won ga
Se gba wegh ga se wuese Tor, Jijingi A hemen se u sughun Ter u, mhôôn kua perapera.
Zan zan sha tar u tsôron se gba nen wer ga cii u wuese, Ter ken hanma m lu, se wuese mimi zan zan tartor a kar van ka tom wase, yange la kpa se ta ger-icam, Uhembanoo! U kuma ishughun U kuma iwuese