Tyav nôngo tar u Nijeria hingir haang, ityav nyôr Benue, hemba ken ipaven u Tiv, man awashina u mbi cii ka u se ior i Ter se de yilan ken iti i Yesu ga, mbi num ior kohol ta atihi za nenge ican kehe Aôndo ngu kuran, koson ve ayange ayange, de memen nen u sônon hen Ter Aôndo ga Ngu heregh u yiman se

Tyav yisa tar ne yô nenge utor, kpaa or u tilen ngu ze oo! Ugomna kpa mba yevese, nenge mba civir We pe ka ve zua kpa kai za wua, ka we za nyôr hen gar ikyav kpa u shir ga gbuuka gba imo ve, we a kar ayem u yemen, gbenda kpa i wua u, tyav taver tsô, Saulu yange taver je hemba Ishemael, kpa u gema un, Ter gema ve cica, gema ve asema er se kuma unyôron ya u tsôron yô

Se lu yevese gudugudu pepe kpaa gudugudu, atetan; kpa shi gudugudu: tugh kpaa gudugudu hanma vegher, ior kpishi ve wundu di uya vev, ortema idyu a angbian je ga, ior yar tom ga se nenge ijen nyór, mbagenev je yõ kasev vev yevese ican, ior yem shir sha msoo ve ga, zege-ican kehe sha won, kwase man ônov je kpaa ior lu wundun, ayuu! Aye, kwagh hemba se ngee sha won

Mbela mba hungur inya, mban hi, ityav mbin shie u u ter mbela mba tsev, mbi ve yilan er Jihad ne shau ve a tim ve a ngohol, tar u Ter lu na se, mba wuan ankyundanev kua shi kasev je ve tswer ga, wan u yan dyako ga ne ngu a agee ga, se umbur ayange a Iserael, Teuda, Nero, Beleshesat, a tahav je kpa kan, iti i Yesu shio, we u ngu nyi hegen u fatyo u ya se dyako sha won ga

Kan nyi Aôndo, ior mba hungur inya mban ve civir, ve ityav mbi nôngon, iwoo-or i lu inja er ka kwagh yan ve, Tor U Uma soo sha won ga, A tese se u luun ken bem man dooshima A wa se tindi, yange se er de wuan ga, ieren ve la tesem, inja er Aôndo ve laje ka U Uma ga yô

Ka a soo, u kighir iti i Ter Aôndo Ngu A tese tahav ver nen ato, Herode sev av wua Yakobu kwagh doon Mbayuda, shi kôr Peteru je, Herode yange kôr Peteru kange je gbihi ken gaadi kpar unyiin, shi mbakuran sha min lu dông, sha u tôvon ior mbakristú a zegeican, Ortyom va nyôr, sagh Peteru tsembelee ver ken won, ior mba kuran mbela cii tahav mbu lu je ga, nenge or Ter pase ivangel se mba e ungwan; ior mba geman asema

Se gule nen, msen dông hen Ter Aôndo it injai, yange nongo u Kristu, yan u gule sha shie u yange i kôr Peteru, gule se lu nen dông, Tor U Uma ungwan se msen, yan i zua ityôkyaa keng keng sha Daniel, kpa i lu, msen na la mbadondon, Yehova Ter tese agee, Daniel dugh shin ihyungwa yô Tor Dariu, gba yôôn er i civir Ter Aôndo u Daniel, U hemban Ngun ngu sha won ga

Se lu per gbem sha sônon Yehova kwagh, A pase se wang er sôn kwagh me er, ken ican shin a lu angev ken utya kpaa se mem sônon ga, Yesu Ter Ngu heregh Ngu her Ngu her U yiman se