Bibilo pase waang er se na wan, ityesen injaa la, tese wan wou gbenda, u injaa er a lu yev la una va vese, kpa mayange un a pav a u ga ye, pe Anzaakaa a Solomon a pase ne m tô, hen nya er me kungu ave ga.

Ka wea na, we a na, wan ityesen i injaa yev ga nana gande, wan shon a ar ave, we a nôngon u kôôm yô kon uma cii, ior mba tesen mbayev, akaa a injaa ga shighe u ve lu yev, la i var ve, ve vese ken ifyerkwagh, kwagh u mimin doo ve shima ga.

Eli kende ônov, lu eren asema ve, lu tsaha ve tsughur ishigh ga, cighan kwagh kpa ve cia ga, ve nzughur a nagh ku Aôndo, ve yav a kasev ken tempel u Ter Aôndo, je kpa mayange Eli tese shima vihin a ve ga, Aôndo Ter lu tsaha Eli, tim un a mbayev nav.

Yonadabi wan u Rekabi, tese ônov nav er ve den, man wain ga, sha ikyov ikyov je ônov mba Rekabi venda, u man wain sha aciu ter ve Yonadabi lu ta ve icin, Ter Aôndo Ter kaa er mayange je ken, tsombor u Yonadabi or a ban u tilen sha ishigh Yagh ga, kape i doo u nan ityesen injaa hen mbayev, shi i doo u ônov a ngohol ityesen injaa, je ne.

Mbayev, ka mba hemen mba kper, a lu mbayev ve vese ken mlu u ifyer, yô tar vihi ve, a lu mbayev vese ken mcie u Yehova ga yô, tar a nyôr ken zegeican i cier iyol kpishi, mbagen vese ken mlu ne, shin er ve bee iyol kpaa i kaha ga, ifyerkwagh ka ve ve tesen, hen mbayev ye.

Ior mbagen mar ônov vev yô kwagh, u ve er cii ka kwaghbo keng ga, na na Lam, dang ve a kaa er wan fa ilyam, na na hua ikyondo sha inja ga er wan ne fa kwaor tsô, a tuhwa or er wan numben ga aye tyôyam, ka ior mba dem wan kwagh u wan a er a doo ve, nengen sha ityough ki a yange ve yô gema mba wuese, iyô gande ijôr, i haa ken kungwa or a war kpa, nenge er iwoo-or i va ngee, ka tom u mbayev cica.

Gbenda u tesen, mbayev ka u ôron, ken Bibilo wan mbayev kwagh, zum u ve lu, yev la je, hii a ve hen shighe la, ve a er, sha inja ga yô kôôm ve her je, ityesen i Bibilo ka gbenda u mbayev, a dondo yô vea zua a iveren hen Ter u sha yô, ne mbayev mba ne soo, ityesen ga la yô m zamber, ma ne ngohol ityesen, ka ci wen ne ngohol a doo ne, ne venda Ter tsaha ne ka u bunden ga.

Ter wase Yesu, lu vesen, sha mkaanem ma Ter, ior rumun a Na, Aôndo rumun a Na, Yesu, hingir se ikyav i vesen, se dondo nen, se kôr sha Yesu Ter Yô, angbianev kwagh môm a za iyol shawon ga.

Icighan Jijingi, wase mbamaren u nan ityesen, shi sue mbayev, sha er ve a ngohol ityesen i Yesu, na i var ken vese er, se undu i mayange ga, se er shima You gbem, iti You a samber, er tar cii a dondo Yesu yô.