Lu se nenge yô Ter Aôndo wase ka A va gema or ken ican man, isheer i nan A ver nan, lu sha kwagh, u doon u nan a ember, nan a kera zungwe ga Un gem ior mba ve lu isheer kpishi mba lu kwagh, surun ior asema

Kpa shie u Aôndo Ter ka A gema or yô ka shie u, A fe er gbenda kôndo sha aci u yiman nan hen ior la, Tor shi penda ashien sha hanma mlu u kwagh u A soo u sôron yô

Yan gema ankpan, orkwar Yosev ken Igipiti lu tor, gema Modekai ken Shushan, zegetor ken tar u Pershia je, Eseter u yan nyôron shin kwator u tor, ga ne hingir u lun Pendatyou u tor, an or u lun sha kwarikyaa ga Mefibosheti, hingir u za tsan ken ya u tor a tor imôngo, pe Aôndo A geman akaa je ne anmgbianev se de zungwen

Se nôngo u u se gema sha shima yase sha agee a iyolough ne je ga, ican alu nan kpaa se wa ishima, or u genegh iyange lu hen kpe ityungu i Beteseda, shie lihe kpaa i va kuma sha shie u Aôndo A ver, tsô Ter Yesu va wanger un, kape shie u Ter wase Aôndo A ver, u yiman we la un a lihe kpa a bunde sha won ga

A bunde mayan ga, se waan nen ishima se keghen Ter, Jijingi u Terem va wasem u wan ishima tsô, m den torough ken ican ga, Tor u Uma kpa nenge er m lu isheer m lu mhôônom man, kwagh u kunya hen ior, er ka Mefibosheti ishombon-or, je kpa msurshima wase ngu anmgbianev se de zungwen

Ma mlu u hemban Ter wase u Sha u geman môm ngu je ga, a lu angev kpa Ter wase been a lu ibanave kpa Ter Aôndo gem mba ve lu isheer kpishi mba lu kwagh, shin a lu ishimavihin, sha ma ku u huror kpa, Orsurunshima ka Ter tsô, ma mzayol u Ter wase A kan shio geman môm môm tsô ngu sha won ga

Aôndo ngu nengen, er se lu yan bo-ican i mbaihomov ne cica, mkighir u sha pila ngee, se hingir er tsombor u Mbayuda, yan i gba u timin ken Shushan la, U gema ku u Modekai Ter U ver un tor, Aôndo Ter gema se, ican ne i hingir iember

U gem ior, Ter U surun se ishima gbem yô se mba zungwen ga, ican yase i hen tar ne kpa U ngu va geman se, man surun se ishima se fa a lu sha ya u tsôron