M ngu u iniôngon iyol yam ga Ter Aôndo ka We u suwem ye, yô ivim ase agee a Jijingi Wou, Terem ve me kuma u eren kwagh u dedoo ken tar ne, er ior kpishi a nenge vea, va dondo iti You yô

Gayô nenge Ter Aôndo ka i lum pe eren kwagh u lun sha ishima You ken tar ne kpa, diabolo ngu num a mo taver, ngu meen mo sha asaren a tar, m de eren imo You ga

Asaren a tar shon yô ka iwuhe idya iv man angereke, ityou mbi senden ior, man mpav kua kematyou man zwa u zôhôn, me ôr kpaa me bee je ga, Tor Ugbem va va wasem ga Satan a kangem ikyor

Ka mo tswen tseegh ga Tor, anmgbianev kpishi kpaa Satan, diabolo wa ikyav mbin tôô ve mbi yuhwan ve, kpa u yilan We u va wasen ve yô ve kera umbur ga Ter shi va suwe ve, ga orihom Satan yô mem tom ga

Se umbur, iyange la kpa diabolo wa ikyav mbin za shir,Yesebel inya, nyôr u senden Naboti ityough vea nom na zegetor u Iserael a zua ku, Naboti kpe ku a ishô na, Yehova kule ijir i Naboti a tim, tor Ahaba cica un kua tsombor, Tor u Uma Yehova soo ifer ga

U eren kwagh sha imo i Ter Aôndo doo me umbur ne, ngise Tor tim Iserael, mba ve er ishima i Ter ga la ve nenge mdoon ma tar la ga ye, Tor rumun a Yosua kua Kalebu, ve ve er ishima i Ter ve za nyôr, ken Kaanan ve ngbough a iember, u eren ishima na doo zan zan

Sarem u eren, ishima You Aôndo Ter kpa nenge, diabolo nôngo ityav a mo taver, gandem m yilan we va wasem, ga yô Ter m kuma ga, u nyôron tar la hangem Aba Ter ve myilan We

Sar se u eren, ishima You Aôndo Ter kpa nenge diabolo wa tyav, avese taver, se ve se yilan We ye Aôndo Tor, Tor u Uma oo ka zamber Ter se gule sha u zamber We wase se sha er se hemba asaren a tar man se kôndo tar u Sha ye