Hwev vihi, Bibilo yer ga Bibilo pase, or wan hwev nan a kungu ican, kwaghyan un a ban nan ityô yam, hwev doo sha won ga

Ken tar ne, ikpilaior kpishi mbagen gande ve gande tom mba eren ga, man agee kpa a ban ve ga, man angev kpa mbu kôr ve ga, man gema uma ve yô a sar, inyaregh tsô ifer i nyôr, idya nyôr a iwoo-or man iv, man u amber sha akaa a tar ne

Ka ape Mbatesalonika ve kpa ve mem eren tom ve lu zenden la, shi ôron er Ter zurum u van, yô mayange vea er ga vea tema keghen mve u Yesu Ter, man iyange Paulu yange er, or a venda tom venda kwaghyan, tema kôngh kôngh shi ya kôngh kôngh

Ken Icighan Nongo, kpa amba a ior ne nungwa ker, mba ve gande kwagh eren mba a wa tom ken Icighan Nongo, ka vea lagh a va di kpa ve er ga, ka u kenger di a kenger tsô man teman lamen sha mbagenev, ityô yam, kunya kôr gande, or a venda tom venda kwaghyan, kape iyange Paulu ngise pase se la

Hwev na ior, kpishi gba mnyam ken Icighan Nongo, tsô ve kende tom u ivangeli ne, er se nenge ayange ne yô mba mkohol ve de yaren, man shi adua a gba ior wer, ngise mba Paulu ve gema uya vev je kende, ci u samber a ivangeli ne, zan zan iyange la i wuhe ve, kpa ve kume loho ken gaadi, tenger ihinda bugh gande, or u kuran ve la dondo Yesu

Yô anmgbianev, va nen se shile Ter tom ne sha gbashima, gayô Yesu yan wa se tom ne Ter kaa er, za gema akuraior a hingir mbahemen, yô se gba wer ga se shile tom, se pase ior myom u Aôndo A ne se ne

Kpa se venda u shilen Ter se gba teman, er or u yange lu koso talenti ityô yam, iyange Ter na hide yô, a kange un a kende ken zegeangôughime ngor kwelegh, pe mba shilen ga Ter a hide vea ngor kwelegh

Kpa mbera mba shilen, sha mimi a zungwe ve, mhôônom a na ve mhembe, mbatomov mba dedoo nyôr nen, ken iember i Ter Utsôron