Tserem oo, Tor wam i tserem sha ci u, u tem shir ken Meseki yô, m tema ken u tenti Mbakedar Aôndo, ka kwaghbo wam je neoo, mimi Ter m memen ga

Mo yô ka bem a doom ye, kpa zum u ka mea ôr ankwagh yô, ve sue num tseegh, uma wam uma wam u tema, ya a ior mbaaferev, ne ica gba yum, kanyi kwagh u moughun ga

Ka mea huan, mea lu ving kpa bamen mo, mea lam kpa er antor liam, mba hônon mo a hôn gbeme, di er m gba vea kighir, kape Davidi kaa la

Ka we tseegh ga Davidi wam, ka ican i tser, se Mbakristu ahegen ne i gande, er se lu ving kpa ve lu iyongo, er se lu ving je kpa ve nande se, er se lamen ga kpaa ve pev ityav avese ve, hen ya wase kpa gande teman

Kedar ka tar u, se lu ker ahegen ne, gema ior i Meseki ka atôatyev vihi juu, er ve fe mkanem ma Ter, ga yô ka sea za, kohol u civir Ter mba keren, u timin se vihi je gande, se tema ken u tenti mba botar se memen ga ye

Tar ne, hingir awambe awambe hegen, mba ve yav, ken iyou i va sôngo ve, mba ve lu yemen zende kpa i kôr ve i sôngo, ka ve nyôr, hen ya yô mba tsweren, or u been iyol shin anye ga, ve undu mbayev côghol aye Tor, kasev hingir kasevmbaikyoson, ishima kwe kpugh kpugh gbeme, wer alaghga tsô shi mba vana? Gande se yem tar wase

Man se iyongo, yase a ven yô se fa ga Mbakedar, ior i Meseki ka nyi jimi, man ne ôr se se kpaa ma se fe ityô iyongo ne, shin alu ci u u kristu yô ôôn, ôôn se rumun ku ve

M tôô ikyav we kpaa tôô, kange penda, sha vande se yem, sha pe i toghor ga sha ka iember, Oryiman Ter wase hemen, se dondo Un, nahan se za sha Kaanan Utsôron ape se za mem, or saan ken shir ga anmgbian, kange ikyav se yem ase tar wase

Icighan Jijingi va wam ikyav mo m yem, m tsa shir kuma moughon me yem tar wama