De undun se ze Aôndo Yehova kpei ahii de kenden se Wer Ter se saa ga.
De gbihin se ga Aba Tor U gema jime a vese se tim de undn se ga Ter wase de kenden se ga.
Se mba gban telegh te telegh van Ter a mliam ashe ahii! Yehova, ka zamber se lu van a We ye de nyion ishima ze, Tor, kegh ato ungwa se u zamber
Yehova, yange U gba tar U ver se keregh lu mba maren asev Adam man Ifa U penda ve ken sule u Eden, diabolo va va mee ve, ve ya kon u Ter yan U ta ve ichin Wer ve de yaan ga la ishima vihi U tsô Ter U zenda ve sha sule, kpa mhôônom kôr U yô, U na Yesu va paa se sha isholibo ne Tor Ugbem, se hingir waang sha Icighan awambe Na
Shi Yehova, yange kwagh tser Iserael ken Igipiti, ve ya ican ken Igipiti je i gande ve Tor Ugbem ishima usa U ker U tindi Mose za due a ve ken tar u kpan ve yem ken tar u ityendezwa ve hungur a ican i lu ve yaan ken Igipiti
Ku Yehova, ahegen se kpa ican i tser se ken tar u Tiv ve, Benue, tar u Nigeria, i yisa cii mba wuan van se sha hemen, ken jime ka ityav, ken yan kpa ka ityav, ken imese van gighikiki, pe yevese zan bee Tor ahii! Shir ashe nenge imbya ican ne, Ter mimi je se tsume, kpa Ter de se ibo yase tsô
Mba wuan se, shi nanden uya kpa cii, ape civir We kpa mbagen mba nanden kpiligh iyol mbagen i wuhe ken ayough i nande keregh, mbagen ka sha ugbuuka i lu wuan ve yô Tor mbagen ka sha ubom, mbagen i kura i yem a min hen ape i ver ve ka hana se fe? I tim ior igbinda kposo kposo, ka mkurtar a ve shinii? Kpa m pine ga ka sha mte iyough m lu lanen ayem ye
Umace hingir, ayem tenge tenge, mba zenden toho tsan ken toho kpei Tor, ônov Ou hingir, inyamtoho Ter nenge kwagh u kpiligh iyol, umace ne kera ka ibeen i Aôndo ga? Shin a zenden ken toho gengee inja er, inyamtoho nahan, kpa se vaa ga Aba lan kwagh ne ga A fa cii yô se tema viing se kenger sha Na A er sha ishima Na se mba kwagh Na
Se mba toghor, kpa ka er i nyion se la Tor nenge uuma mba saan, ku u or gba ku ikyegh, Aba ahii! Nenge, kwagh u ave sha avese ne, Yehova se tseegh yô se yina agee, saa u kaa imo ga se ule, se kande akuhe due ashe hungwa se ikyôr Tor u Uma se vôr gbeda gbeda
Se fa U kende se ga kpa Ter U kegh ato wer se se yila U, ve U va yima se ye, m umbur yange la mbahenen ve nyôr tso môm a Yesu, zegeahumbe ta sha tso ngule kpegher,Yesu lu viing ka er, mbahenen va yila Un iyange yange ahumbe tso tile kpeese ye
Ter Aôndo ahii! Yehova Aba Yawe ape gen u makwagh a hemba se, ve se za war yô ka hana? Saa hen a We Tor Uhemban ityav mbi wuan se ityav mbi ken jijingi man ityav mbi sha iyol inyam Ter ve se yilan We ye, se a er nyi nyi nyi je kpa Ter zungwe se, zungwe se ken iti i Yesu Tor Ugbem
Hemba se, Ter i hemba se ve se sônon ye na Jijingi Wou A suwe se ken iti i Yesu, se mba se shi her ne man se ver asema sha, u kenger Yesu, sha er mhir Na yô se kôndo ya u tsôron sha