Ka Jijingi, u Ter Aôndo tseegh, Un a faityô u wasen or u waren atsan a tar ne, shi u yiman uma u nan, man u nyôron a nan sha pe Ter A lu ye.
Ka Jijingi tseegh, ga yô iyol, i inyam man awambe yô ve a faityô ga kpa, Jijingi yô Un a hemen se.
Atsan a tar ne a ngee kpishi gande me ter kpua tsô, ican i uange man ihyom, i kôron i ngee kpishi, or kom orgen sha kwagh ga za va yô i gande, kwagh er je kunda iyol iku dumbur, ken tar ne je ityô yam
Ka ihom ne i zenda Ter, wase Adam shi kwase na ken sule ye, Satan hingir iyô va tsugh ve ve hemba, Ter Aôndo ato, ican man nyôr, iwoo-or kpa maa hii, zan zan, je Kain wua anmgbian na Abel, je a kera ya ishe ga, or kom orgen sha kwagh ga ne ikyu i dumbur
Ken Nigeria ayange ne m nenge kwagh u, kpiligh mo iyol ubom mba wuan ior, mba tôndon ave mba tôndon angahar, tsô ican kohol se i yisa, ka wea yar, ken tom wea nyôr a yav i va due, u wuan se, shi nanden se, u icivir Ter wase kpa ican i va ker kpishi, Jijingi wase se taver se se nyôr ya u tsôron
Mbera mba keren, hemen je kpa ve nyôr ken ican, tom u gomoti nenge ifer tema ikyônough, mbera mba ve soo i ga kpishi i wa ve ci keregh ga, ku Tor, ator a ityôgh mbagen kende mimin ve, anmgbianev ahii ken Ter kpa kwagh ne nyôr, se kundu, asema ga yô ior a tim, ken berusu, u Satan pilighaa
Doom u ôron, kwagh u Lasaru ornyar lu shagher sha a na mba kpen, kera Lasaru tema Abraham sha ikyum, ornyar gba hian tsô a gba, zamber a na er, Lasaru Lasaru va va surum nombor usu ne, shie kar, hegen ne mbainyiarev m ngu wan kwagh, de kpenen akaa a tar ne ga va nen hen Yesu, Ter hemba ican man ku agee, Ter hemba shagba u ken tar, tema Tor a Utsôron Sha
Yobu ya ican, kpa a penda ishima na sha Ter, a kule ken tor, Paulu kpa nyôr ken ican a rumun ku kpaa ityô yam, Jijingi u Ter A yem a vese, pe ican a za nyôr ga yô
Gbenda u hemban, ican yô ka msen, anmgbian de den msen zeoo, Yesu jim je kpa A gule msen iusa Na hingir awambe ve, A hemba Satan tyav, se kpa se hemba ican a msen ye
Ken ican yase cii de se kpe ken iti Na, i ii se ken iti i Tor Ugbem, mo m yôô hen avene cii, lu me kpe yô ka ken Ter a iim, ityô yamoo Mbakristu, yemen yam pe Yesu yem, shaala ican ia bee me tema bem bem a iember
Yemen yaseoo shaala se za mem, ican man ijungwen cii ve a nyôr tar la ga, se tema bem bem a Tor Ugbem, a Uwang Uwang iember a dumbur u wan atsam a iember