M ôr Bibilo i pasem er Yerusalem u Aôndo Tor A lu sôron la, iengem i ngee ker kpishi yô Tor, wasem sha er me za nyôr yô

I maa gar shon, ka sha Zanaria man awen a Yasepi, gar mondo doo u kenger, gar ngu wang iengem ngee kpishi, iyange man uwer mba ken gar ga kpa iwanger ngi, Bibilo pase er ka Aôndo iyol Na je a lu iwanger i gar la ye

Shi Bibilo ngi pasen, ngi pasen wang, er u nyôr gar la u mem, ican ngi ker ga, angev mbu ga shi ku kpa a lu ga ya la yô a hôm, ka iember tseegh a lu ember ye, or a yuwe sha won ga

Tsô gar la sarem shima m mough sha u yemen, Bibilo shi de ga ngi pasen er ka mbera mba ve wanger, iyol vea kôndo gar la ye

M gem m kenger iyol yam yô m nenge ihom a ishima i nyian, aie iwuhe angereke, iyolmoron msôron a idya, jimba yisa, gbenda ve Terem m vaan,Ter Aôndo yima wan Wou, Jijingi A suwem sha er me nyôr, gar me saa gbenda ga yô

Ka mo tswen tseegh ga Tor, Ter Aôndo tar ne, kpa u hôngor sha ifer ieren, iwoo-or ken tar ne, aie anger, iwuhe ngee kpishi, Ter Aôndo ifer yase samber U wase, se ga se za se nyôr ga, va suwe se ôô se afer, se lu ior mba wang sha er se kuma u nyôron ya a iember yô

Yesu vande ôôn se asorobo ne sha awambe Na kpa, Ter Aôndo, se mba inja er ka igo yô, er ka i ôô iyol, kpaa shi iyav shin angbiôr la nahan pe Aôndo se lu la, Ter wase Yesu tyungu, tyungu awambe Yesu ôô se iyol kpa se hide shi se yem, shin angbiôr er ka igo nahan, saa Aôndo Ter U na se Jijingi a eregh, se iyol se za gar la ye