M ngu ôron, yô ka kwagh u a lu zan uuma iyol ken tar ne mlu ôron ye, hua tim mbagenev se ungwa de me yila ati ve

Yan na i tim, Anania shi kua, Safira, lu kwase na u a er yô, tee sule ve kpa ve pande kwagh ker ve yer, ve yem u tsughun Jijingi, kpa ve lu henen er, or fa ga Jijingi wua ve, man ve kule iyange ga

Ahaba yange la kpa lu a sule na kpa u yina un, a er hua sha sule u Naboti, kwase na kpa kohol un u eren hua u sule yô ve kpe ku u kunya a war shio

I lu heela tseegh ga, mbaIgipiti kpa yange ve mough hua sha kwagh u Mbaiserael ve kpa yange ior mba taver iyol lu ken ave mba eren ase ve tom kpa yina ve er hua u zendan ve ijime yô Ter tim ve shin zegemnger se ungwa vindi vindi

Hegen kpa hua nyôr ken vese mbadondon Oryiman Yesu je kpa hua ne nyôr, tema ken vese u eren, akaa a i te ichin sha mi la gema hange se u eren, er angereke kua aie, ityou ki senden anmgbianev la cii ka hua u akaa tar ne yô yange a va tim se

Alu se er hua sha akaa a tar ne yô se va tim, u man msôrom man u civir akombo, shi u keren, inyaregh ki sha igyosough kua, asor a kpehen cii, ngura kpa ka hua man un a va tim se

Yô se de hua sha akaa a tar ne kwagh u Aôndo Ter A ne a kuman se, se de u tômon er nenge, mba via ve lu ishule ve kpa i dio, kpa se hide hen Ter Aôndo Tor a zamber Tor Un a na se, kwagh u a ban se, ken iti i Yesu

Se mba se lu mbadondon,Yesu yô kwagh u tar ne, a de yangen se u nyôron, sha ya u tsôron ga

Yô Jijingi wase se er se lu civir Yesu yô se due, ken hua u akaa a tar ne sha, sha er se va tim ga yô