Ityav ka mbi You Yehova Tor u Uma Aba mo m ungwa, shie môm môm U ngu A kende nongoior Wou wer ityav mbi wua ve ken tar ne Wer ve tim ve bee ga.
De hungur nen ga ityô yam, ka ape shie gen Ter a er la, kpa tese ikyav er A undu se ga, ngu a ngôôr kpaa ngu van, zegeinyom purugh pepe ga ityô yam.
Iserael yan vea kende imo i Aôndo Ter A tsaha ve, shi A gema ve, Ter A wa ve sha ikyev i Mbaihomov, ve er ve ican, kpa vea zamber Aôndo A de ve ibo a yima ve sha ikyev i mbaihomov vev
Ikyumiutya i Mbaashiria va ityav sha Elisha, Elisha er msen Aôndo gema ve, ve hingir mbaapirashe lu Elisha shi yan hemen ve nyôr a ve ken Samaria ye, se kpa Tor u Uma ngu heregh, Ter Un a kende se er mbi de timin se ga
Kape se kpa Ter tsegha tar u Nigeria ver se pe doon, Ter na tar ne iveren inya yase doo kpishi, kpa gba ape se gba yan u ga saa se nôngo ityav, yô nenge ityav yisa se atô, ka se a hide ken jime kua shi ken hemen kpa ityav, ken iyan kua ken imese kpa ka ityav, kpaa se yina nen asema ga Tor Uma ngu heregh, Ter wase Un a kende se ga
Ityav mbin, Ter U va ga mbi uve avese a hemba vihin cii ka mbi yolough, ga ka mbi ken jijingi, ityav mbi Satan hii a Ter Yesu,Ter hemba un a ta hwa a kegh se la, ityav mbi taver a vese hen shie ne hemba cii, hen ape se hemba Aôndo ato, ve se tim ne, kuma iyol gbing gbing
Or ngu memem ga, ityav mbin yisa se taver Aôndo kuma se iyol cica, indyer-gbuuka i Satan ahegen ka kwagh u idya, nomso mba vôson ayol ave, kasev kpa gema vôson kasev, icivir i or kpa bee hen or sha, uuma mba vôson zendenya ishima ndôhôl kpishi, or duen Gomora man Sodom ikyombo man ve nenge tar, inja ne man na angev kohol se, or ngu zuan a cigh ga, ityav mbin hemba mbi sha gbuuka, yô Ter de kenden se ga
Aôndo Ter wase gema ashe nenge imba ican i tser nongoior Wou , pe se tema ken tar ne se civir We kpa gande, mbaihomov mba wuan se uderi uderi hen iyange i môm tsô, je yô u zan ivangeli kpa asema nga tan se kwe, kpa se bum sha iti You, ku kpa u wua se sha ciki u iti i Aôndo Tor, hen shie ngun kpa se za, Paulu yan bum kua ku kpaa, or a den cian ga
Yô se zamber Tor wase Yehova U ngu iti You er M Ngu, Ter wase U kende se wer se tim yô, iti ne a kera kuma sha We Ter ga, na se perutya sanker utya er se nôngo ityav ami ka perepera, msen u mimi a jighjigh u nan se hemba keng, sha kwagh utya yô ka Wea tindi or môm kpa a hemba ityav, Davidi lu hi cukuu kpa, yan tôô mnzu a aniwen tseegh kpa lu wua ikyôr-or
We Najeria tar cii va nen hen Tor u Uma a zamber, se hide jime a jighjigh u nan hen Tor Ugbem, Un a gema jime a vese gbem ga, se yô se va hen a Na ka sha iti i Ter Yesu tseegh
Zungwe se mhôônom, Ter wase se zamber zungwe se Tor Ugbem, se vihi kpishi kpa Ter Aôndo se mba tom u ave Ou, yan U er se sha ibeen You Ter Aôndo, se har ashe ase sha We a zamber zungwe se mhôônom