Paulu, yange la ôr a Mbaefese, sha u wan kwagh sha imo i Aôndo er, ve lu uma ken jijingi, shi ve mba ve kpe ken jijingi la kpa ve nder ci u ku u ken jijingi ka mtim

A pase er mbera mba ve lu mbakpenev, ken jijingi ka mba ve lu paleghaa a uma u Ter, mhen vev wa ime, asema ve, wa akpema ifer i doo ve ishima

Hen avese kpa,mbagenev mba zenden avese imôngo kpa ka mbakpenev, ve kpe ken jijingi ve kpe kpum kpum, mase shin u a va ii ve, ken Berusu u gbem

Ka mbera mba eren afer, mba zenden anger a kematyo, ve ban a ishughun, idya doo ve, iwuhe mpav kpa mba a min, mba iin, man mba man akaa a taver, mbera, mba ie a doo ve, mba ve ban a dooshima cii ve kpe mba keghen m ii tsô

Mo kpa yange m faga yô, m yav ken mule u ku shon ne, idya i eren i doom, m tôô m wa geba shami mer de me ya tar, yange me va kera lu ga, kpa Icighan Jijingi va pasem er me va kpe kwa har, kwagh ne cier mo iyol tsô m gema a zamber, Aôndo zungwem, m ngu a iember, yô we kpa nenge ken ishima you wea lu kpenegh ken jijingi yô ian shi her gule zamber, zamber a mgem u mimi u due ikyundan ga

Lanem er or ka a kpe ken tar ne ior ve gba vaan ayol, shie u genegh yô, i lu or u perapera, sha ityou ki ior a ta nyaghba uya, vea lu zungwen ku ve u ken jijingi ku u tsôron, vea lu vaan ci u anmgbianev mba ve lu kpenegh ken jijingi la, ve yô, ku u yolough kpa Yesu Tor hemba

Gbenda u duen ken ku u jijingi yô Yesu tese, A tese ken Yohane u ôr ityou inyiin ivur i sha kyundu-kar-unyiin la, A kaa er mimi M kaan ne ne, ma orti u a ongo kwaghôron Wam man nan ne, Un u A tindim la jighjigh yô nan ngu, a uma u tsôron, nan ngu zan hen ijir ga cii, kpaa nan due ken ku nan nyôr ken uma u tsôron

Se gule nen msen Aôndo A suwe se se lu uma ken jijingi yô nyi nyi kwagh kpa i va, kpa se zungwe ga shin a lu ican, shin ku u yolough u va ka kwagh ga, jighlii, se nyôr ken Tartor se ember gbem