A gba Sha man tar, A gba inyamtoho A er Iyar yô, ngi a akor, er ikon i ken toho yô, A gba or sha ibeen Na man koson se hanma yange,Tor er ahumbe a nyiar iduran, ka shagba Na mtswen tseegh, kwagh môm shin or u kuman sha Tor Utsôron m zua a min sha won ga

M zua a mi ga sha ityôkyaa, gadia nenge uma u ior, cii ken tar ne ka Ter Aôndo tseegh A kuran ye, Tor kura Daniel a akar a na Tor, yange begha lu a tahav sha Daniel ga, man shi, er usu lu a ma gbenda sha akar a na ga Tor, hemba ka an nan a lam a usu man, Ubegha a ungwa imbya ne ityô yam

Ka an nan lu sha won er Ter Ugbantar? Man kanyi je ia kuman sha Tor? Kwagh môm m zua a min je ga, nenge Lusifer yange kaa er un, ngu er Aba Ter u Sha yô, Tor zenda un sha ya utsôron sha

Wea fa kwagh a lu, er Yehova Uhemban yô, we shi tesem, Aba hemba yange Ter tim Farao man ikyum i utya na Igipiti ve kungu akev or va ikyua ga, or u kuman sha Tor Utsôron môm ngu sha won ga

Ter U hemba se nenge a inyon i sha wuese we, sha ityom ve kposo kposo shi m kenger sha ityom You i kundan yol, Gber-kôrkôr ngu gberen ikon, a jembe, man ishôm shio “Ageba Tor” hemba Yiyegh wa bar na tim, ishôsur i hide ya cica, ungwa nen na Asua nga yôôsu njua-nji-njua sha icivir i Utsôron, man shi Utakange a Akuna, man Akange nga er tsôrough, Ter kwen, kuku kuake ku, ku kuake doo u ungwan, ageba kera Ter U hemba cica ma kwagh, môm shin, or kpa mgboughom a We sha won ga

Ma or, cir sha We ga,Yehova U na se Iyange ngi, se iwanger atetan, shi U na se Uwer Asan, mba nan se iwanger tugh, se mba yamen a yam, iwanger ga U kuma shagba man, agee We mtswen sha won

Aba U hemba se se wa atsam, se ter iti You Ter mhembe Wou ne, hemba tar cii ma or mngbôghom A we je ga, kwagh kpa shi dondo sha We je ga