Nahashi or u Amon, yange a mough ityav a Yabeshi-Gileadi tsô Yabeshi ve ngure zamber, Nahashi, a ya ikur a ve je kpa orti venda, er cii u m ya ikur a ven yô, saa me ongor ne ashe a ken yan cii, ci u Mbaiserael a hee yô, kwagh ne lu kwaghbo a vihi Aôndo Ter wase ishima

Mbayabeshi, lu tindi, ior ken Iserael tsô ve za pase ior loho u Amon la, ior gever mliam ve gba vaan, Saulu va ungwan yô jijingi u Aôndo kende tor sha agee ishima usa tor lôhô ityav, ta tyav sha Mbaamon ityav hemba Mbaamon, ityô yam pe yan i kule la kape u, nan or iwasen a ican shami i doo ga ne

Ikpilaior kpishi nyôr ken ieren ne ityô yam, ka a gba u wasen di anmgbian saa nan a vande, zuan a kwagh u gen hen or la, ior num ken ieren ne ityô yam, panden yam ieren ne, me ter hen a vene tsô

Or a wa u tom, ken gomoti hen shie ne fa ka u tôndon di we inyaregh sha hanma uwer, man u zuan a tom hegen ne kpa saa u vande nan kwagh, cii u zua a tom, ga yô saa u tôndo zwa shie u u hii tom la inyaregh ki sha uwer u hiihii we u bende ave ga

Injo i za gban hen or hegen ne yô saa u vande tôndon zwa wer u hide a mtsera man u tser a inyaregh icanor hegen ne kera ngu kuman, sha kwase na ga sha aci u, ka ornyar alu koson un a tsombor, a ngohol un kwase kpaa kera ngu a liam keng ga

Imakeranta kpishi u zan jim, hegen ne kpa angyô wam, mfe wou yina ica je, saa u aa ikyôôso hegen u kuma u u za u ye, ken makeranta u nyôr kpa ikyaren i pasen, mbatesen kpishi, kwagh u nger la cii, kpa ngu shamin ga, saa u za na inyaregh ga yô a er idya a we man, ve u pase wang, anmgbianev aoo fa mtsaha ngu sha inja ieren ne je

M pande a pande aeren, ne mo m ter ne tsô, a eren ase se lan je ga, we a tsume yô sôr ase fefa,Ter wase kaa er se wasen anmgbianev mba i yen ve iyol la ityô yam, mba eren nahan ka imo i Oryiman ve eren ka kwagh u, doon Aba Aôndo Yehova ishima

Jijingi wase se er, se se lu a ishima i wasen, mba ve yen la se de keren injar sha a ve ga, kpa se fa, We Ter U ver se injar sha ya u tsôron sha