Mimi gbenda ne hoghor kpa, we ordondon kundu ishima tsô de kahan yemen u gbangese ga de yinan ishima ga ordondon, taver ishima ka gbenda u ya u mmem u tsôron.
Mimi gbenda ne hoghor kpa, gema ka gbenda u zan hen Tor Ugbem, se mbadondon, ityô yam oo se taver asema.
Ngise Ter wase Yesu, yange Ter ôr injakwagh ne A kaa er, gbenda ne u imbishi gbenda u ze sha uma la hoghor tsô man mba nyôron her mba kpeghee tsô
Kpa gbenda u gbangese la, ka u zan ken mtim u tsôron,Yesu yan pase A pase wang er gbenda ne yô, ior mba ve nyer her ve ngee kpishi, pe Oryiman Ter yan kaa je la
M gbanger u gbenda u zan ken mtim u tsôron ne me pase ne anmgbianev, gbenda ne u tswer kwagh u ifer ga, gbenda ne u tswer liam u dang ga gbenda ne u soo idya i eren kua tashi, nenge iv mbu iin tile sha gbenda ne anmgbianev av, kwagh sôron yô tema tor ken gbenda ne, ka mgbanger u gbenda ne je ne ityô yam
Mimbishi u gbenda hoghor ne yô ngu a atindi, man atindi a hen gbenda ne yô u soo anger ga, gbenda ne u venda liam i dang kua aie ihyom i kôron, shi tindi u tamen yô ka dooshima, u a sangen a sange ga la ityô yam
Se Mbakristu yô se penda ishigh jighlii ka hen gbenda u imbishi yô fa nen, gbenda u Yesu Ter yan kar, man A yima se la hemba hoghor, sha a mimin yô u hemba kpa Oryiman Yesu kundu ishima, se mbadondon kpa se taver asema
Anmgbianev, ka Yesu Ter wase A lu gbenda u waren ye ityô yam, yô va nen hen Ter a jighjigh, ne mba yange ne undu Nongo u Kristu mough va nen, orakombo yô de timbir je ga, ne mba hunden msôrom cii, mbakpehenasor va dondo Yesu, hide nen hen Ter Yesu fefa, er iyange la ne war iyugh la yô
Ngise Ahaba iyange kende gbenda u hoghor ne lu tim, tim a tsombor na, nenge Anania kua shi Safira, iyange la ve zua a ku, yô alu se kende gbenda ne yô, iyange la se tim di vough er ior mban yange ve lu tim la
Kpa aluer se taver asema er Yobu man Daniel yô, iyange la se ngohol injar i uma i Aôndo A ver, Bibilo kpa er shiada a kaa er, saa or a taver ishima zan zan mkur ve Ter A yima nan ye